| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
01 - 09 - 2021, 12:55 AM
|
||||
|
||||
|
- زمان وأنا فى إبتدائى ..
أمى كانت لازم تخلينى أفطر كويس قوى قبل ما أنزل م البيت .. وده كان مشكلة كبيرة ليا أتعلمت بسببها أعظم درس فى حياتى .. - ساعة الفُسحة .. كنت ألاقى زميلى اللى جنبى طلع ساندوتشاته وبياكلها وهو مستمتع بيها جداً جداً .. وأنا أطلع ساندوتشاتى ألاقيها باردة ومالهاش طعم وماتفتحش النِفس .. أقوم شايلها زى ماهى فى الشنطة وأقعد مضايق .. وفضلت ع الحال ده كتيرررر .. - لغاية ما فى يوم جات مُدرسة مستحيل أقدر أنساها .. كانت بتتكلم مع كل واحد فينا كأننا كبار .. ودايماً مبتسمة، وبتعاملنا زى ما تكون أم لكل طفل ف الفصل .. المهم فى يوم كنت قاعد فى الفسحة مضايق وشافتنى المُدرسة دى .. جات وقالتلى مالك قاعد لوحدك ليه ؟؟ انت مامعكش ساندوتشات تاكلها زى زميلك اللى جنبك؟؟ قولتلها معايا بس أنا ساندوتشاتى مش حلوة زى ساندوتشاته .. قامت المدرسه قالتلى يعنى انت نِفسك تبدل مع زميلك .. بصيت لها بكل سعاده وانا بقولها .. "ياريت" .. قالتلى ماشى .. راحت المدرسه وأقنعت زميلى إنه يبدل معايا ساندوتشاته .. بالفعل زميلى وافق .. لكن ساعتها حصلت حاجة غريبة جداً .. لما جيت اكلت ساندوتشات زميلى ، لاقيتها عادية بردو ومالهاش طعم مش زى ما كنت فاكر .. المُدرسة لما لاقيتنى سيبت السندوتشات تانى .. - قالتلى .. انا حبيت أثبتلك إن العيب مش فى الساندوتش اللى معاك .. العيب جواك انت .. أيوة جواك انت .. - طول مانت شبعان .. مستحيل تحس بنعمة الساندوتش اللى معاك ..وتلاقى مُتعة لما تاكله .. زميلك عشان بياكل وهو جعان فعلاً .. بيلاقى الأكل حلو جداً .. وأنت بتلاحظ إنه مستمتع قوى بأكله .. عزيزى❤ .. مستحيل تحس بقيمة النعمة اللى معاك طول ماإنت مش حاسس بقيمتها .. هاتفضل طول حياتك عايش فى تعاسة .. وفاكر إن كل الناس معاهم حاجات أحسن منك .. وأنت الوحيد المظلوم .. وتعيش فى عتاب شديد مع ربنا وفاكر إنه ظالمك .. صدقنى .. لو بدلت حياتك مع حد ..ساعتها هاتعرف انك في نعمه مش عند حد بنعرف بقيمة النعمة اللى معانا .. لما نتحرم منها .. انت ..غنى.. باللى معاك .. دائما قول اشكرك يا رب 
|
|
#2
01 - 09 - 2021, 05:31 AM
|
||||
|
||||
|
ميرسي علي مشاركتك الجميلة
ربنا يفرح قلبك
|
|
#3
01 - 09 - 2021, 07:17 AM
|
||||
|
||||
|
اشكرك يارب
ميرسى على الموضوع الجميل
|
|
#4
01 - 09 - 2021, 09:56 AM
|
||||
|
||||
|
مشاركة جميلة جدا ربنا يبارك حياتك
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| يارب يسوع، أشكرك يارب على محبتك لنا | Mary Naeem | قسم الصلوات | 0 | 07 - 11 - 2023 05:28 PM |
| يارب، أشكرك لأنك منتبه لمستقبلي، أشكرك لأنك تخطط لغدي | sama smsma | قسم الصلوات | 2 | 15 - 03 - 2018 05:38 PM |
| يارب أشكرك لأجل شريك حياتى..أشكرك لأجل الحب | nasser | قسم الصلوات | 3 | 28 - 11 - 2015 06:48 AM |
| أشكرك يارب يسوع المسيح لأنك صعدت إلى السماء لتعد لى مكاناً ساعدنى يارب أن أنتظرك | nasser | قصص دينية للأطفال | 2 | 23 - 09 - 2015 03:19 PM |
| يارب أشكرك | Mary Naeem | قسم الصلوات | 3 | 13 - 07 - 2013 09:12 PM |
العرض المتطور