- عايز اتكلم معاك من فضلك
= فضلي كله ليك ♥️
- انا تعبت
= كله هيعدي
- امتي
= كل شئ فحينه
- هو انت ليه بتعمل معايا كده و بتطمني مع اني مش بجيلك غير و انا محتاجك و بس
= عشان انت ابني
- بس انا واحد خاطي
= و انا غافرلك
- يارب يارب افهمني انا واحد مبعملش اي حاجة عشانك
- بتلكك دايما ان معنديش وقت و مش بصليلك بقول مش قادر و اوقات عندي شغل و مش فاضي ...
= و انا بحبك
- بس انا وحش انت ليه مش قادر تفهمني
= فعيني انت جميل و شبهي
- يووووه بقولك وحش انت ليه بتقولي كل ده
= بص علي ايدي كده
- ايه ده في اسامي كتير هنا
= هتلاقي اسمك وسطيهم
- قصدك ايه !!
= قصدي اني ناقشك علي كفي .. انت ابني و انا بحبك
- بعيوبي ؟
= بعيوبك ..
- كلها
= كلها ..
- بس انا مش هعرف احبك اد ما انت بتحبني
= بس انا هفضل احبك
- كلهم قالولي كده و سابوني
- هتسيبني ؟
= انا مبسيبش
- يارب متعشمنيش فيك ارجوك
= يا حبيبي انا مبمشيش
- هتعوضني عن الوجع اللي معشش فقلبي
= هعوضك و هغيرك .. ثق فيا
- مبقتش قادر اكمل
= ارتاح انت و انا هكمل مكانك
= و ارفع راسك كده انا ابني ميوطيش راسه .. ابني ميتكسرش ابني لازم يبقي قوي 💪♥️
- بس انا مستاهلش كل ده
= و انا بحبك ♥️
* ما أعظم مراحمك يا إلهي .. تحبني رغم أخطائي الكثيرة تجاهك .. رغم تقصيري معك يا الله لم تنساني و لم تقصر معي 🥺😍
`` صَالِحٌ هُوَ الرَّبُّ . حِصْنٌ فِي يَوْمِ الضَّيقِ ، وَهُوَ يَعْرِفُ الْمُتَوَكِّلِينَ عَلَيْهِ `` ( ناحوم 1 : 7 )
