حكاية نزول الدم من اسنان ابونا مينا شهيد العريش

[Mary Naeem]

حكاية نزول الدم
من اسنان ابونا مينا شهيد العريش

على لسان تاسونى مريم زوجة ابونا مينا
سلام ونعمة يا احبائى حابه احكيلكم بالتفصيل حكاية الدم اللى نزل من اسنان ابونا مينا واسفة احتملونى لو كان البوست طويل

اللى حصل بالظبط ان بعد استشهاد ابونا مينا عبود بكام يوم يعنى حوالى اسبوعين جه عندنا فى البيت قدس ابونا رافائيل موسى اللى استشهد بعد ابونا مينا ب ٣ سنوات وجاب معاه كيس فيه كميه كبيره من الاسنان المكسرة وكيس تانى فيه رمل لونه بنى وكانت الاسنان بتفوح منها ريحة حنوط جميله ذكيه سماويه وابونا قالى ان الاسناذ ابراهيم من شباب العريس عنده محل ادوات سباكة وساكن فى ضهر الكنيسه عند مكان الحادث جمع الاسنا دى من على الارض والرمله فيها دم ابونا مينا
وساعتها ابونا رافائيل اعطانا ٣فتفوتات اسنان مكسرين ليا انا وفيرينا ويوستينا بنات ابونا واعطى فتفوته كمان لمامة ابونا مينا
واعطى الباقى كلهم لسيدنا الانبا قزمان اسقف سيناء الشماليه
واعطانا كمان شوية رمل بركه من اللى فيها دم ابونا فاحضرت كيس صغير جديد لابونا رافائيل وضع فيه الرمل ودورت فى البيت على كيس تانى للاسنان ملقتش ترتيب ربنا فابونا رافائيل سحب من مناديل ورق كانت محطوطه قدامه وقال مش لازم كيس ولف الاسنان فى المنديل الورق ووضعها فى الانبوبه وقفل الانبوبه وقال محدش يفتح الانبوبه خالص اللى عاوز ياخد بركة يضع يده عليها ولا يفتحها .
بعدها بكام شهر يعنى فى شهر ١١ سنة ٢٠١٣ جه زارنا فى البيت ابونا لوكاس كاهن كنيسة مارلوقا بمصر القديمة وطلب ياخد بركة الاسنان وفتح الانبوبه وفوجئنا انه بمجرد ما فتح الانبوبه فاحت ريحه ذكيه جميييييييييله جدا فرحنا بيها وفضلنا نقول اكسيوس كتير لابونا مينا ولقينا المنديل الورق اللى من كام شهر ابونا رافائيل كان لف فيه فتافيت الاسنان مطبق ومحطوط جنب الاسنا ونازف عليه دم حى كانه نازف من كام ساعة رغم انه كان ابيض خالص ساعة ما ابونا لف فيه الاسنان ففرحنا جدا ودى كانت اول مرة الاسنان تنزف دم
بعد كده سيدنا الانبا قزمان جه عندنا البيت لانه بيفتقدنا كل فترة فى البيت فحكيت لسيدنا اللى حصل والدم اللى شفناه فقالى هاتى مفك وفتح الانبوبه واخد المنديل اللى فيه الدم ولف الاسنان فى منديل جديد ابيض فانا زعلت لكن سيدنا بابوته وحنوه قالى متزعليش عشان نحطه فى مزار ابونا
المهم ابونا مينا لما لقانى زعلت مخلصهوش زعلى فالمنديل الجديد غرق دم كتير اكتر من المرة الاولى ولانى مش بفتح الانبوبه خالص عشان اعرف ربنا بعت شماس من طرف انبا ارميا وفتح الانبوبه لاخذ البركة ففوجئت بالدم الجديد وسكت خالص المرة دى عشان ميتاخدش منى لكن طبعى وحش ومش بعرف اسكت لااسف حكيت والمرة دى اتنين قصوا منه واتبقت لى فتفوته منه فقط داخل الانبوبه حاليا
ودول كده المرتين اللى نزل فيهم دم ابونا مينا من اسنانه على المنديل الورق وبركة صلاته تشملنا جميعا