اوقات كتير بيعدى فى يومك لحظات أو حتى ساعات ، بتحس بخنقه أو انك ملكش نفس تعمل حاجه او تكلم حد ، غير انك تعتزل فى أوضتك ، وتفضل تفكر فى ذكريات الماضى المؤلمة ، أو حتى اللى حصل فى يومك و ضايقك ،
أقولك على حل حلو ، انا اكتشفت انا احنا اللي بنعذب نفسنا ايوة بجد هي خطوة ابدأ بنفسك انا جربتها حقيقي وبجد جبت فرع نور اللي هو بيطفي وبينور انواره هادية اوي في البلكونة واقعد لوحدي او مع اولادي ونسمع موسيقي او اي حاجة هادية بتفرق كتير جدا
كل ما تيجى تعذب نفسك كدة،
ويركبك الهم والحزن وتلاقي نفسك تفتكر ، سيب المكان اللى انت حابس نفسك فيه ، و روح لأقرب شباك أو بلكونة و غمض عينك و اتنفس ، حس بالهوا النقي الطبيعي النعمة الكبيرة اللى احنا عايشين فيها ، وفتح عينك وبص فى السماء ، توه مع القمر حتى لو عشر دقايق ،
عارفين أيه كمان حلو أوى ، أسعد أى حد معاك فى البيت إن شاء الله لو بكلمة حلوة أو زغزغ ابنك او بنتك ، روح بوسهم واحضنهم اووي ياسلام لو بضحكة من قلبك ،
من الاخر لو عايز تسعد نفسك فى أى وقت من يومك ، أسعد غيرك ، بكلمة حلوة أو جبر خاطر ، ومتنساش متعملش حاجة غصب عنك لما تنوي
انوى بس من قلبك هتفرق اوي
28 - 06 - 2021, 03:00 PM
العرض المتطور