تعمل أية لو الكاوتش أنفجر

[walaa farouk]

تعمل أية لو الكاوتش أنفجر ..
____________________________
1 بلاش تدوس فرامل .. أبوس أيدك بلاش تدوس فرامل لو فردة ضربت .. عارف ان
ساعت القدر بيعمى البصر و التفكير كلة بيتشل .. بسبب ان بتسمع صوت انفجار
جامد و بواقى الكواتش عمالة تتنطر فى الرفرف و صوت الحديد ( الجنط ) و الطنابير
عمال يحك فى الاسفلت و حاجة هباب .. بس برضة بلاش تدوووووس فرااامل

2 - لو العربية مانيوال حط غيارات عكسية .. أنزل من ال غيار ال 5 لحد ال 3 مرة واحدة
و ال 3 لحد الاولانى ..
لو أوتوماتيك ,, حاول تشغل الستيبت رونيك و تنزل غيارات عكسية برضة

3 متشدش الهاند بريك غير لما العربية تكون على 50 او 40 اقل حاجة
4 لو الفردة اللى قدام ضربت يمين او شمال العريبة هتفضل ماشية فى أتجاها
عادى بس طبعا هتسمع أصوات كتير و هتلاقى الدريكسيون نشف معاك جامد و
هيروح يمين و شمال جامد يبقى تمسكة ب أيدك الاثنين و أعمل كل الكلام اللى
فوق
اما لو الفردة اللى ورا ضربت سواء يمين او شمال .. هتلاقى ضهر العربية بيعرض مع
نفسة اكنك شديت هاند بريك و بتخمس و بتعرض بضهر العربية .. يعنى لو الفردة
اللى ورا اليمين ضربت هتلاقى ضهر العربية رايح شمال .. لو الفردة الشمال اللى ورا
ضربت هتلاقى ضهر العربية رايح يمين .. حاول تتحكم ساعتها بالغيارات العكسية و
تزبط الدريكسيون واحدة واحدة لحد لما تزبط العربية

5 - حط ف أعتبارك ان لو الفردة ضربت العربية مش هتتقلب الا لو اتعاملت مع الموقف
غلط .. ب أنك تدوس فرامل .. او تشد الهاند بريك