|
 |
 |
 |
|
|
|
رقم المشاركة : ( 1 )
05 - 05 - 2021, 04:09 PM
|
|||||||||||
|
|||||||||||
 مشهد عظيم ، فيه رساله مهمه وسط رسايل كتير بيقدمها نفس المسلسل ( خلي بالك من زيزي ) للي مابيشوفش المسلسل وباختصار شديد للمشهد ان مراد كان المحامي بتاع زيزي ، من وقت ماراحتله بمشكلتها مع جوزها ، لحد ماتطلقت منه ومع مرور الاحداث هو اعجب بيها وبشخصيتها بس هي ماتعرفش ده ، او بمعنى اصح هو ماصرحش ليها رسمي بأي مشاعر جواه ليها الحلقة ال ٢٢ احتوت على مشهدين حلوين • المشهد الاول كان عازمها على الغدا ، ومادد ايده ليها بورده وبيقولها : تسمحي تقبلي مني الوردة دي ردت بكل تلقائية ليه !! الللي هو ليه وايه مناسبتها يعني او ايه يستدعي يخليك تعمل كده ! ساعتها قالها ولا يهمك خالص بلاها الورده ، وراح رماها جنبه • في مشهد تاني بيقولها الا صحيح يازيزي انتي مابتخفيش من حاجه سكتت شوية وقالتله اوضة الغسيل ضحك وقالها حد يخاف من اوضة الغسيل اصرت تاخده معاها علشان توريهاله وقالتله كانوا بيحبسوني في الاوضة دي وانا صغيرة ، كنت بقعد اعيط واصرخ وارزع ، كانوا بيعملوا نفسهم مش سامعني راح عمل حاجه لطيفة جدا .. خلع الاوكرة بتاعت باب اوضة الغسيل وقالها تسمحي تقبلي مني الاوكرة دي اللي هو بمعنى لو الباب اتقفل تاني ، هاتعرفي تفتحيه لوحدك من غير ماتخافي او تحتاجي لحد وقتها وبكل فرح مدت ايديها وخدت الاوكرة بكل فرح عكس موقفها تجاه الورده تماماً لانها محتاجه للأوكرة مش للورده ،،، - اعظم هدية هي سد الاحتياج هي اللي تيجي في وقتها ومكانها المظبوط مش التقليدية والمعتاده .. الطبطبه في وقتها احلى من كنوز الدنيا الكلمة الحلوة احسن من اي اغراءات للعين ابحث دايما عن سد الاحتياج ، ولو بأقل الاشياء ❤ 
|
 |
|
| قد تكون مهتم بالمواضيع التالية ايضاً |
| الموضوع |
| اعظم هدية في الحياة |
| اعظم عطية سماوية ان انت جيت لينا هدية |
| اعظم هدية من الحياة |
| الصداقة هي اعظم هدية من الحياة |
| قدمت لي يارب اعظم هدية |
العرض المتطور