|
 |
 |
 |
|
|
|
رقم المشاركة : ( 1 )
03 - 05 - 2021, 08:04 PM
|
|||||||||||
|
|||||||||||
|
مرمر وعيد جديد  مذكرتي العزيزة بقالي فترة طويلة ما كتبتش فيكي وطبعا علشان كنت مشغولة لكن أول مابلاقي فرصة باجي اكتب فيكي علطول ..اممم للأمانة يعني أنا بالاقي فرص كتير هي الحقيقة إني لما بأزهق قوي واقعد كتير في البيت زي اليومين دول !!! بس أحلي حاجة فيكي إنك مش بتزعلي ومش قماصة زي صحابي! ! علي العموم دا مش موضوعنا النهاردة ... إنتي عارفة أن السنة دي العيد خلاص قرب؟؟..... عيد إيه بقي هو بقا فيها عيد أصلا؟!! أنا حكيت لك عن الكورونا أو كوفيد المستجد ؟؟؟....يووووه هو أنا مش حابطل الحركة دي إني أنط من موضوع لموضوع ...نرجع لموضوعنا العيد السنة دي مش زي أي عيد ومفيش شم نسيم كمان والكنيسة مقفولة فترة وكل دا بسبب الوباء المنتشر في العالم كله..وده حأحكيلك عليه قريب أوي.. هو إحنا ورانا حاجة؟؟ حتي المدرسة قفلت وطبعا مش عايزة أقولك أنا حزينة قد إيه أن المدرسة قفلت!!! طبعا بأهزر أنا مش زعلانة ولا حاجة!! بس طبعا إنه مفيش كنيسة و مدارس أحد دي حاجة مزعلاني جدا...يعني إيه عيد من غير ما اروح الكنيسة وألبس لبس جديد أفرجه لصحابي وخروجات مع بعض ، ده غير أن مدارس الأحد وحشتني جدا جدا. بصراحة قعدت لي يومين مخنوقة و مش عارفة أعمل إيه ... الميس بتاعتي في مدارس الأحد من ساعة ما مدارس الأحد قفلت وهي بتشجعنا ندخل على صفحة موقع مدارس الأحد كل يوم نقرأ الخلوة ونسمع ترانيم وأنا دايما بعمل كده. .وفي يوم كده بعد ما صحيت لقيتني عماله أرنم ترنيمة أبدأ مبيبقاش العيد.. وابتديت أركز في كلمات الترنيمة دي بتقو ل أبدا ما بيبقاش العيد فرحة تعدي ولبس جديد ولا جوابات وكلام يتقال ونقابل بعض الايد بالايد لكن أنا بالرب يسوع طول أيام السنة فرحان وبقيت كل أيامي عيد يوم ما قابلته بالإيمان كل ما أفكر إزاي ربي جه واداني خلاص مجاني قلبي بيفرح بيه طوالي واشعر إني (في عيد من تاني)2 أبدا ما بيبقاش العيد لمة وفسحة أو حفلات فيها الشر يكون موجود والناس تسلك في الظلمات لكن أنا بالرب يسوع طول أيام السنة فرحان وبقيت كل أيامي عيد يوم ما قابلته بالإيمان وفجأة كده لقيتني بأقول كل الكلمات واتأمل فيها...وافتكرت كلام ميس بسمة لما كانت بتقولنا إنه ربنا بيتكلم معانا بكذا طريقة منها أنه يفكرك بترنيمة إنت اتعلمت منها ويكون عايز يفكرك بالحاجة دي!! قلت في بالي إزاي الترنيمة دي بتحكي على إللي أنا فيه دلوقتي؟ ؟ أنا فعلا كنت مركزة علي الاحتفال والكنيسة واللبس الجديد والخروجات، ونسيت إنه الفرحة الحقيقية في العيد هي الفرحة بصاحب العيد ربي يسوع إللي مات علي الصليب علشاني. .علشان خطيتي وقام من الموت علشاني واداني نصرة علي الشيطان. ساعتها يا مذكرتي العزيزة لقيت الضيقة والخنقة إللي كنت فيها راحوا، ولقيتني متحمسة أعمل حاجة جديدة في العيد الجديد ده وقررت إنه يوم العيد حأصلي بدري وألبس لبس أنا بأحبه وحأقضي وقت مع بابا وماما مش قدام التليفزيون ولا الكمبيوتر، وأعمل مع ماما الغداء وأساعدها اليوم كله. وكمان قررت إني أتصل بكل أصحابي أعيد عليهم..بالذات إللي بقالي فترة طويلة مكلمتهمش. وطبعا الترانيم دي حتكون فقرة رئيسية في اليوم ده...حارنم زي ما أنا عايزة...أنتي طبعا عارفة إنه صوتي جميييييييييل ورااااائع وكفاية كدة علشان أنا متواضعة!! بأهزر تاني طبعا أصوتي لا هو جميل ولا رائع لكن أحلي حاجة إنه الرب يسوع بيحب يسمعني ودي أهم حاجة بالنسبة لي. أما بقي حكايتي مع الكورونا دي عايزة ليها قعدات وقعدات، حأحكيلك عنها المرة إللي جاية،باااااي 
|
 |
|
| قد تكون مهتم بالمواضيع التالية ايضاً |
| الموضوع |
| مواقف بسيطة قد تجعلنا نعيد ترتيب الأشخاص من جديد |
| تصميم جديد| تذكروا وعدي لكم أنا لا أهملكم ولا اترككم |
| مرمر والفيس بوك |
| مع عطر عام جديد وعيد ميلاد مجيد ! |
| عام جديد وعيد ميـلاد سـعيد !!! |
العرض المتطور