سلوكى مش تعاليمك بقلم الشاعر اندراوس عبد المسيح
معقول هى دية تعاليم المسيحية *** فين العفة فين الطهارة والوداعة
ساعدنى ياربى انفذ الوصيـــــة *** بكل ايمان بكل ثقة وطاعــــــــــة
سامحنى على اللى فات منى *** ايام عمرى قضتها فى حضن الخطية
دا ياما زاد وانا بعيد حزنى *** لما سلمت حياتى للشيطان هديـــــــــة
سامحنى سلوكى مش تعاليمك *** انت الألة القدوس تدعو للطهارة
يمكن كونى مسيحيى يهينـــــك *** امام اولاد الظلمة والدعـــــــــارة
ايوة خاطى واعترف بذنوبى *** انى مخفتش ابداً من عقابـــــــــك
كل ما اغلط يزيد تبريـــــرى *** واخدر نفسى واقول انا من اولادك
لكن يبقة الجحيم نهايتى *** لو متبتش بجد من كل قلــــــــــبى
ايام قليلة وهتنتهى اكيد غربتى *** اسافر للسماء ويحاسبى ربى
ساعتها هشوف ديان عادل *** من ياما استهنت على الارض برحمتة
لا ينفع بكايا ولا ينفع اجادل *** هيبقا خلاص اصدر الرب كلمتة
لا ياربى انتى فدتنى بدمك *** ظهرتى ف الجسد علشان اثمى
مش ممكن تتخلى عن ابنك *** قبل فوات الاوان طهرنــــــى
اعترف ليك انى مش قادر *** ارجع ليك يارب بذاتـــــــــــــى
دا الشيطان ذى الاسد الزائر *** كل ما اتوب يفكرى بشهواتى
مش بس انا اللى تسامحة *** سامح يارب كل الخطـــــــــــــــــاة
لو غلط وتاب اعفو عنــــة *** انت الة داود عبدك ســــــــــــــلاة
