24 - 01 - 2021, 10:09 PM
|
 |
..::| الإدارة العامة |::..
|
|
تاريخ التسجيل: Jun 2015
الدولة: مصر
المشاركات: 376,496
|
|
الإله اللي قطع كل المسافة دي من السماء للأرض وقرر يستغنى عن مجد ومناعة الروح واتنازل وخد جسد ضعيف يتألم ويجوع ويموت.
الإله اللي قرب اوي مننا في اكل وشُرب وبكاء وضحك وحُب غالب عالصورة طول رحلته القصيرة هنا..
الإله اللي كلف نفسه اهانة وألم ووحدة وصلب وفقر اختياري بس من اجل الحُب مش حاجة تاني.. تفتكر هاينساك أو يصد صلواتك أو يغفل عن وجعك او ينشف قلبه قدام وحدتك؟؟
اظن ياصديقي أن لو في حاجة ممكن تمسك فيها في وقت الميلاد فا هي "نوع حُب الله" ليك.. حُب من اللي بيتدفعله تكلفة وبيتقطع عشانه مسافات وبيخسّر صاحبه كرامة وراحة بس عشان خاطر اللي بيحبه.
حُب مش منطقي ومش مرحرح ومش متوقع يعمل ايه في سبيل المحبوب (اللي من حظنا في القصة دي هو احنا).
الميلاد يثبت ان الله طلع بيحب بجد وبيقرب بجد مهما كانت التكلفة والوجع اللي هيعدي فيهم..
يكفيك انهاردة تحط الحقيقة دي قدام عينيك وتنام مطمن مش شايل هم حاجة بتحصل دلوقتي او هاتحصل بعدين.. لأن معاك إله بيحب بجد..
|
قد تكون مهتم بالمواضيع التالية ايضاً
العرض المتطور