لكل يوم زوّادة: ما تعودوا حالكون إلّا ع الصلا : 30 / 11 / 2020 /

[souad jaalouk]

لكل يوم زوّادة: ما تعودوا حالكون إلّا ع الصلا

بيخبر شب عايش بالمدينة انّو مرّة اضطر يروح عالضيعة و يبقى كم يوم. بيقول ما كنت اقدر نام لأنّو كتير رواق! انا متعوّد نام عا صوت زمامير الخطر من سيارات الشرطة و الإسعاف! قَلّو رفيقو: بس تسمع صوت سيارة الإسعاف مش يعني حدا صرلو شي و آخدينو عالمستشفى؟ قَلّو: مبلا، قَلّو رفيقو: غريب! كيف الإنسان بيقدر يتعوّد عا هيك شي!
اوقات كتير منتعوّد عا اشيا بلا ما نفكّر و بتصير عادة بحياتنا مع انّو اذا منفكّر فيها منشوف انّو اكيد في اشيا احلى و نحنا ما انتبهنالها... و يمكن هيدي مشكلة عنّا ياها بمجتمعنا اللبناني انّو منتعوّد بسرعة و مننسى بسرعة... ما تعَودو حالكن الّا عالصلا و عا رفقة ربنا، هيدي العادة الوحيدة اللي ما بتتأثّر لا بمكان و لا وقت!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب