|
 |
 |
 |
|
|
|
رقم المشاركة : ( 1 )
26 - 11 - 2020, 02:48 PM
|
|||||||||||
|
|||||||||||
 لو حد ضايقك اوعي تدعي عليه ل ٨ اسباب .. ١-لان الله لا يستجيب للدعوات المؤذية للناس ، و لان الصلاة الانتقامية دي مرفوضة أمام الله ، إله الحب و الصفح اللي علمنا أن نغفر لاعداءنا و غفر هو (اعظم مثال ) لقاتليه .. ٢-لان لو دعيت عليه بالاذي ، حد تاني ح يدعي عليك بالاذي ، و السما كده ح يستجيب ليكم انتم الاتنين و لا ايه ؟؟ و كده ح تمشي السما و استجابة الله علي هواك مش علي حكمته.. ٣-لان ممكن يكون في مرحلة التوبة و ربنا مطول باله عليه ، و مأخر العقاب و مديله فرصة .. و لو عاقب الله كل واحد وقت غلطه ح يعاقب العالم كله و انت اولهم .. !! ٤-لان مرات ربنا في كامل حكمته بيسيب الظلم يحقق مشيئته اكتر من العدل .. و المثال يوسف الصّديق لولا أن ربنا ساب الظلم شويتين ما كان وصل لرئاسة وزارة مصر.. ٥-لان الله لما بيلاقي قلبك حلو بيعوضك اضعاف و بيديك بركات الصبر و الشكر و مجازاة عدم الانتقام و الإحسان للاعداء ، سواء بالصلاة لهم أو الإحسان لهم وقت ضعفهم .. ٦-لان مرات ربنا لما يلاقيك شمتان في حد ، يرفع غضبه عنه علشان يبعتلك رسالة انه مش بيستجيب لطلبات الاذي ، ده مرات يحسن للشرير علشان يديله فرص أخيرة للتوبة .. "لا تفرح بسقوط عدوك، ولا يبتهج قلبك إذا عثر لئلا يرى الرب ويسوء ذلك في عينيه، فيرد عنه غضبه.(الأمثال ٢٤: ١٧ و ١٨) ٧-لأنه ممكن يكون ضحية تربيته أو مجتمعه أو طبعه أو عقيدته ، و ممكن لو دعيت له بالهداية و النعمة يتغير و يبقي احسن منك انت شخصيا . . و الدليل شاول القاسي لما اتغير و بقي بولس اعظم الرسل .. التماس الأعذار و الغفران للناس اللي افضل ألف مرة من عقابهم و كان يمكن اصلاحهم .. ٨-لان ربنا حاطط في قانون الدنيا مبدأ الزرع و الحصاد اللي ماشي علي الكل و لوش كبير .. الشر بيلف و يرجع لك مضاعف مطرح ما انت واقف لو ما تبتش ، و الخير بيلف و يرجع لك مضاعف مطرح ما انت واقف حتي لو نسيت أو ما طلبتش .. 
|
 |
|
| قد تكون مهتم بالمواضيع التالية ايضاً |
| الموضوع |
| اذهبى و ادعى ما يبعدك عنى |
| ادعي لي يا أمي الغالية |
| ادعى لى |
| ادعي معايا |
| ادعي لي |
العرض المتطور