|
 |
 |
 |
|
|
|
رقم المشاركة : ( 1 )
13 - 10 - 2020, 12:50 PM
|
|||||||||||
|
|||||||||||
 فيه ناس ما بتفهمش بالذوق و الأدب و الحوار و المنطق .. تتفاهم يتجبروا و يحجروا و يتبطروا و يعندوا و يتربسوا.. تكوينهم قايم علي الردع مش علي الذوق و الأخلاق.. تخدمهم ، يعتبروه حق مكتسب ، تعتذر يشوفوك ضعيف ، توافقهم يزيدوا في طلباتهم و أوامرهم و يبجوا عليك اكتر و اكتر .. واحنا "يا خال طيبين قوي" !! ، متربيين علي النعمة و الذوق ، و لا نفهم في المراوغة و لا الملاوعة، بنراضي و نسايس و نحترم و نعامل بكل اخلاق ، و نخدم بلا مقابل و هم بيقسوا و ينسوا و بستعفوا اكتر .. لا بنعرف نعاتب و لا نحاسب و لا نعاقب !! و الحل ؟؟ دورك انك تفهم ان مش كل الطبايع زي بعض .. تعامل الكل بحب اه ، لكن فيه ناس لازم تتقي شرها و اذاها و تبعد عن مداها !! ناس لما تكرمها "تعت" زي الصوف ، لو حافظت عليه تجيله "العتة" و تأكله و تنّسلِه، و لو نفضته و نطرته و هويته بره الدولاب يحترمك و "يلم نفسه" هي كده بعض الناس، لو استمريت في خدمتهم و لقيتهم بيركبوا و يدلدلوا رجليهم، يبقي تتجنب أذاهم و غباهم و عماهم.. تحب طبعا ، بس سيبهم يدوقوا بعدك و يعرفوا قيمتك و كرامتك .. لكن اول ما يقصدوك خليك "مسيحي" حقيقي ، اخدم و ادي بس ابعد علي طول ، ما تستضعفش نفسك و لا تحتاج ليهم و لا تجاريهم و لا تسامرهم و لا تصاحبهم .. خليك كبير ، ما تطلبش ودهم و لا تشحت رضاهم ، و استغني عنهم و لو كنت في صحرا و هم عندهم "ماء المحاياة"!! اللي يعرف قيمتك يبقي اتادب و كسبته و كسبت احترامك لنفسك .. و اللي ما يعرفش و يكمل تعاليه، حبه من بعيد لبعيد ، و يبقي كسبت نفسك و راحة بالك و اتجنبت أذاه.. . 
|
 |
|
العرض المتطور