تأملات كتابيه بالعامية ( ميلاد يسوع المسيح )

[walaa farouk]

انجيل متى
الاصحاح الاول

ميلاد يسوع المسيح مت1 : 18 -، 25

مكتوب عن سر تجسدك يارب فى سفر اشعياء
"لأنه يولد لنا ولد ونعطى ابنا وتكون الرياسه على كتفه ويدعى اسمه عجيبا مشيرا الها قديرا ابا ابديا رئيس السلام" اش 9 : 6

فعلا يارب كل المكتوب عنك عجيب!!
طريقه الميلاد عجيبه!!
اختيار العذراء عجيب!!
اختيار يوسف النجار عجيب!!

بطل المشهد هنا يوسف النجار
ﻷن الترتيب عجيب بس تفاعل وخضوع يوسف للترتيب ده برده عجيب
كان ممكن يعمل !! كان بيفكر فى ايه!! لو اى حد كان مكانه كان هيعمل ايه!! الملاك لم يظهر ليوسف اولا .. ظهر للعذراء الطاهره مريم !!
يوسف فكر !! بس ازاى فكر لحد ما الملاك ظهر
يوسف خاف !! بس ازاى اتصرف لحد ما الملاك ظهر
كتير بنفكر بالمخ بس! بالطريقه الغلط! بالحكمه البشريه!
لكن يوسف زى ما مكتوب " ولكن فيما هو متفكر فى هذه الامور، اذ ملاك الرب قد ظهر له فى حلم قائلا" يا يوسف ابن داود، لا تخف ان تأخذ مريم امرأتك ﻷن الذى حبل به فيها هو من الروح القدس"
يوسف فكر بالروح والاجابه كانت روحيه. يوسف اتصرف بالحكمه الالهيه مش الفهلوه البشريه مش بحكمه البشر!!
طوباه وطوبى للى فى الحاجات العجيبه اللى تحصله يفكر زيه..
ﻷن الله عجيب وترتيبه عجيب واللى يخضع للترتيب يدخل فى الصوره ويصير عجيب..
اجمل بشاره
ياه-سوع "يسوع" جى يخلصنا من خطايانا بخطه عجيبه
عمانوئيل الذى تفسيره الله معنا عمره مسبنا وجى بخطه للخلاص من الخطايا
ياربى يسوع العجيب خلينى اطيع اسمع افهم افكر بالروح انفذ بالروح اصير عجيب يتقال عنى " فليضئ نوركم هكذا قدام الناس لكى يروا اعمالكم الحسنه ويمجدوا اباكم الذى فى السموات" مت 5: 16

[جوزيف جوزيف]

امين
ربي يباركك ويبارك حياتك ويبارك خدمتك