|
 |
 |
 |
|
|
|
رقم المشاركة : ( 1 )
22 - 09 - 2020, 09:16 AM
|
|||||||||||
|
|||||||||||
 زكيبة و علي الضهر موجودة و معبية.. فيها خلطة وجع علي ظلم علي ذكريات حلوة علي مرة ، علي حب عاش و حب مات .. فيها انواع من الناس معششة و أحيانا ممششة !! ناس خدمونا و سابونا و سبناهم، و ناس عدوا بطعم الورد و العسل و ما طولوش، و ناس ربونا و كبرونا و سابونا و سبقونا للسما و خدوا منا حتت من قلوبنا و حياتنا و راحتنا.. و ناس موتتنا بدل المرة مرات ، طحنونا و هانونا و دبحونا و حرقونا حفروا في قلوبنا مر و مرار و عار و نار . . كرهونا و كرهّونا في الدنيا و سلخونا و نحرونا.. كل ده متشال جوانا !! يطلع لنا مرة في ضحكة و نومة حلوة و سهرة نداء للايام اللي راحت و هي لسه عايشة فينا .. و يطلع لينا مرة في كابوس و نومة مُرة ، و في دمعتين نازلين لوحدهم في ليلة مش محسوبة ، و في حزن من غير مناسبة علي شوية الم و ذكريات وجع و عدم امان .. آه علي مشاعرنا اللي حابسينها و كاتمينها و ساكتين عليها .. متوحشة و متحوشة، و كاتمة علي قلوبنا و بتجري في عقولنا .. و اهو من وقت للتاني نقعد مع "الزكيبة" محتارين: الحلو اللي راح ح يجي تاني زيه ؟؟ و المر اللي حصل ح يحصل تاني زيه ؟؟ و مع ربنا تلاقي نفسك بتحكي و هو بيسمع و يشيل عنك "حملك" و يطمنك أن اللي علي كتفك ح يشيله عنك .. و مرات كتير ربنا يبعتلك واحد جميل قوي و امين قوي ، قلبه متصنع في السما ، و طبعه من طبع الملايكة ، يسمعلك و يحبك من غير ما يشتكي و لا يستني من وراك حاجة ، و تلاقى زكيبتك خفت و اتشالت و بقت حنينة علي كتفك و كأنها مش موجودة.. و آه يا زكيبة المشاعر، يا تري مين بي شاعر ؟؟ 
|
 |
|
| قد تكون مهتم بالمواضيع التالية ايضاً |
| الموضوع |
| مش نيه او مشاعر |
| من غير مشاعر |
| مشاعر |
| مشاعر... |
| هذه مشاعر بنت |
العرض المتطور