يسوع كان بيعالج النفسيه علشان الروح يستقبل ❤️

[walaa farouk]

زكا العشار!!
كلنا عارفين القصه بس انا عايز اقراها بطريقة تانية!!
- زكا اتولد قصير ( في عيب من وجهة نظر الناس ) واللي انا متاكد منه ان زكا اتعرض لتنمر كبير ، زي مثلاً يا قصير زي مثلا الاطفال اللي في سنه بيرفضوا يلعبوا معاه بسبب ان هو قصير ويفضلوا يتريقوا عليه ( يا قصيرررررر ها ها ها ها بص القصير اهووو طيب وريني هطول ديه ازاي ).
- ده اكيد خلق فيه كره وغضب عظيم ومتهيالي كان كل اللي جواه ( طيب ماشي انا هوريكم القصير اللي مش عجبكم ده وبتتريقوا عليه هيعمل فيكم ايه وهيبقا ايه ) كل ده بيدور جواه وهو بيعيط ، ودليل علي كلامي ان زكا نجح وكبر وبقا جابيًا للضرائب.
- لكن زكا مكنش محتاج وعظ وحد يقوله انت لازم تبطل الناس بتكرهك لان انا متخيل لو حد قاله كده كان هيقوله اولاً (انت مالك)، ثانياً ( دول يستهلوا انت متعرفش عملوا فيا ايه وانا صغير بكل غضب). والدليل نظرة الناس ليه فَلَمَّا رَأى الْجَمِيعُ ذَلِكَ، تَذَمَّرُوا قَائِلِينَ: «قَدْ دَخَلَ لِيَبيتَ عِنْدَ رَجُلٍ خَاطِئٍ!» إنجيل لوقا 19:7
- المسيح لما اتعامل معاه اتعامل معاه نفسياً قبل روحياً، اولاً المسيح رغم الزحمه اللي حواليه بص لفوق علشان يشوفه (رغم ان زمان معتقدش ان في مباني كبيره جدا علشان ابص فوق اشوف مين في البلكونه) المسيح اول فكره وصلها ليه رغم كل الزحمه انا شايفك، تاني حاجة كل اللي المسيح قاله "فَلَمَّا جَاءَ يَسُوعُ إِلَى الْمَكَانِ، نَظَرَ إِلَى فَوْقُ فَرَآهُ، وَقَالَ لَهُ: «يَا زَكَّا، أَسْرِعْ وَانْزِلْ، لأَنَّهُ يَنْبَغِي أَنْ أَمْكُثَ الْيَوْمَ فِي بَيْتِكَ»." (لو 19: 5)
زكا هنا متاكد فكر في حاجه واحده ( اده هو انا حلو علشان شخصية زي يسوع يدخل بيتي هو انا مش شايفني ناقص او شرير)
- اللي حصل بعد كده " وَلكِنَّ زَكَّا وَقَفَ وَقَالَ لِلرَّبِّ: «يَا رَبُّ، هَا أَنَا أُعْطِي نِصْفَ أَمْوَالِي لِلْفُقَرَاءِ. وَإِنْ كُنْتُ قَدِ اغْتَصَبْتُ شَيْئاً مِنْ أَحَدٍ، أَرُدُّ لَهُ أَرْبَعَةَ أَضْعَافٍ!» إنجيل لوقا 19:8
- المسيح وصله حب وقبول المسيح مطلبش منه ان هو يرجع فلوس او يتبرع هو عمل ده من نفسه في لحظة مجرد ما شعر بالحب اللي بجد ♥️
- وقف تنمر وقف إحباط وقف كلام سلبي لان حقيقي بيقتل جوه الانسان (الانسان) وبيبقا حد تاني مصدر للكره والغضب ومش للحب، مش كل وقت بيبقا فيه الوعظ حل وبيبقا الوعظ مناسب في وقت الشخص محتاج حد يحس بيه وحد يسمعه وده اللي المسيح عمله في كل الكتاب كان بيعالج النفسيه علشان الروح يستقبل ❤️
#أبا_الآب 🧡 👑