شخصيات كتابية نتعلم منها (يعقوب)

[walaa farouk]

يعقوب
معنى اسمه متعقب لأنه عند ولادته كان ماسك في رجل أخوه عيسو
يعقوب برغم ضعفاته لكن في فضائل كتيرة لازم نسلط الضوء عليها علشان نتعلم منها
1- يعقوب والنعمة الإلهية
يعقوب كان شخص مستهتر وأناني وكان لا يعمل زي عيسو لذلك اسحق أحب عيسو لأن في فمه صيد يعني كان بيجيب ليه صيد وأكل انما قيل عن يعقوب كان رجلا كاملا يسكن الخيام
لكن برغم كل الضعفات دي لكن نلاحظ ان الله عايزه
وبكل الطرق بيسحبه لطريقه وغير حياته تماما على اكتر من مرحلة في حياته
2- يعقوب المجاهد
جاهد طول حياته علشان يعيش حياة أفضل
فى تك ٣٢: ٢٨
28 فَقَالَ: «لاَ يُدْعَى اسْمُكَ فِي مَا بَعْدُ يَعْقُوبَ بَلْ إِسْرَائِيلَ، لأَنَّكَ جَاهَدْتَ مَعَ اللهِ وَالنَّاسِ وَقَدَرْتَ»
جاهد مع لابان اللي غير أجرته عشر مرات
جاهد من أجل راحيل وخدم 14 سنة
3- يعقوب المكرس
لما جاهد مع الله وغير حياته كان لازم ينتهي يعقوب (المتعقب) ويبدأ إسرائيل (الأمير المجاهد)
4- يعقوب المثمر
يعقوب بسبب جهاده وتحمله نتيجة أخطاؤه وتعبه فترات طويلة الله أعطاه أنه يبني بيت إسرائيل انه منه خرج 12 سبط من أسباط بني إسرائيل
منه خرج سبط الملوك (يهوذا)
ومنه خرج سبط الكهنة (لاوي)
تعالوا نطبق اللي اتعلمناه
1- مهما كان ماضيك أسود لا تيأس ان الله هيقبلك
تعال إليه واعترف بغلطك هيغير حياتك مهما كان ماضيك هيكون حاضرك ومستقبلك مضيء
2- في طريقك الروحي جاهد بكل قوتك حتى تنال البركات
في طريقك اجري لعمل الخير والرحمة
ان لم تستطع ان تجري امشي
ان لم تستطع ان تمشي احبو على رجليك
لكن لا تقف مكانك حتى لا تداس من الناس
3- لما تقدم نفسك الله هيغير حياتك وهتفتكر ماضيك وتندهش من عمل الله العجيب في حياتك ازاي واحد زيي ربنا يستخدمه؟
4- ان عملت كل اللي فات هتشوف ثمر كتير من حياتك
هتربح نفسك ومن حولك