المحبة تقدر ع كل شئ ✊ 🤗

[walaa farouk]

وَالْمَحَبَّةُ تَسْتُرُ كُلَّ الذُّنُوبِ." (أم 10: 12) 🤗


استوقفتني الآية دي جدا ..
محبة ايه اللي هتستر كل الذنوب🤔
يعني لو حد أهانني او جرحني هستره !!🤨
وهو بعد الإهانة والزعل والخصام بتفضل محبة اصلا?!🧐
الحقيقة الآية دا اخدت مني وقت طويل جدا ف التفكير .
.وفكرتني بموقف السيد المسيح مع بطرس لما بطرس سأله يسامح كام مرة
هل 7 مرات ف اليوم فيرد ربنا ويقول "قَالَ لَهُ يَسُوعُ:
«لاَ أَقُولُ لَكَ إِلَى سَبْعِ مَرَّاتٍ، بَلْ إِلَى سَبْعِينَ مَرَّةً سَبْعَ مَرَّاتٍ."
(مت 18: 22) 🙃
طبعا الرقم رمزي لكن ربنا عايز يقول ان طاقة التسامح تبقي كبيرة .
.بس برضو بيفضل السؤال الطاقة دي أصلا تتشحن ازاي .
.وازاي هيكون عندي قدرة إني أسامح واستر حد بعد ما غلط فيّ 🤔
الإجابة تتلخص ف وَلكِنَّ أَعْظَمَهُنَّ الْمَحَبَّةُ." (1 كو 13: 13)🥰
اكتشفت ان المحبة دي فضيله ونعمة من غيرها ولا حاجة هتكمل ✋
المحبة دي اللي خلت السيد المسيح وهو ع الصليب ف عز الألم
والإهانة يقول "فَقَالَ يَسُوعُ: «يَا أَبَتَاهُ، اغْفِرْ لَهُمْ، لأَنَّهُمْ لاَ يَعْلَمُونَ مَاذَا يَفْعَلُونَ». " (لو 23: 34)😇
بولس الرسول اتكلم عن المحبة وقال حاجات كتير منها "
وَإِنْ كَانَ لِي كُلُّ الإِيمَانِ حَتَّى أَنْقُلَ الْجِبَالَ، وَلكِنْ لَيْسَ لِي مَحَبَّةٌ، فَلَسْتُ شَيْئًا." (1 كو 13: 2)✋
يعني الإيمان لوحدها مش كفايه ..
"المحبة " تقدر توصلنا للسلام مع كل اللي حوالينا لأن زي ما اتكلم عنها بولس الرسول
وقال "الْمَحَبَّةُ تَتَأَنَّى وَتَرْفُقُ. الْمَحَبَّةُ لاَ تَحْسِدُ. الْمَحَبَّةُ لاَ تَتَفَاخَرُ،
وَلاَ تَنْتَفِخُ،وَلاَ تُقَبِّحُ، وَلاَ تَطْلُبُ مَا لِنَفْسِهَا،
وَلاَ تَحْتَدُّ، وَلاَ تَظُنُّ السُّؤَ،وَتَحْتَمِلُ كُلَّ شَيْءٍ، وَتُصَدِّقُ كُلَّ شَيْءٍ،
وَتَرْجُو كُلَّ شَيْءٍ، وَتَصْبِرُ عَلَى كُلِّ شَيْءٍ." ♥
ولكن اعظم وصف قاله عن المحبة أنها " لاَ تَسْقُطُ أَبَدًا."✊
ف النهاية عرفت ان لو ف قلبي محبة هقدر أسامح اللي غلطوا فيا واهانونني وجرحوني
..لو ف قلبي محبة هتخليني استر عيوب اللي حواليا .
.لو ف قلبي محبة هقدر احتوي مواقف كتير وبدل ما تقلب عداوة
اخليها تعدي وانا كسبانة اللي قصادي "اَلْجَوَابُ اللَّيِّنُ يَصْرِفُ الْغَضَبَ،" (أم 15: 1) ♥
المحبة تقدر ع كل شئ ✊
ف يابخت اللي في قلبه محبة 🥰