05 - 07 - 2020, 09:17 AM
|
|
|
|
..::| الإدارة العامة |::..
|
|
|
|
|
|
إن أعثرتك عينك فأقلعها... وإن أعثرتك يدك فاقطعها
مين يقدر يعمل كده؟ وصية صعبة جدًا، مش كده؟
الحقيقة إن أوقات ده بيكون الحل الوحيد، إننا نقطع الصلة اللي بتربطنا بالشر، لأننا كتير بنسيب سكة رجوع، وبنعمل فيها ناضجين وعارفين نتحكم في رغباتنا لكن بنلاقي نفسنا شوية شوية رجعنا للخطية تاني
، لأننا سايبين باب صغير للرجوع.
الجرّاح بيحتاج أوقات يتخلص من عضو بالكامل
لإنقاذ حياة المريض، وده يمكن يكون أصعب قرار هو بياخده
، لكن ده بيكون قرار حكيم.
أنا مش عارف أنت ممكن تكون بتصارع مع إيه؟
عادة، أو علاقة، أو مجموعة بتورطك للشر، أو..... ،
ويمكن حاولت كتير تقاوم وتهرب، ويمكن نجحت لفترة
، لكن وجود سكة رجوع بيخليك تفقد السيطرة وترجع.
الموضوع مش سهل أبدًا، لكن صدقني المكسب يستاهل،
أنت بتكسب حياتك وحريتك.
لأنه خير لك أن يهلك أحد أعضاءك، ولا يلقى جسدك كله في جهنم
مش_عايش_وخلاص
|
