داليا البحيرى إصابة زوجها حسن سامى بـ فيروس كورونا المستجد
وقالت داليا البحيرى، خلال منشور على صفحتها بموقع "فيسبوك": "أنا حبدأ بألف حمد وشكر ليك يارب، لأن أنا عارفة ومتأكدة إن احنا عملنا اللى علينا وزيادة. حافظنا وقعدنا فى البيت، وعقمنا وطهرنا، وشجبنا اللى نزل انطلق واتفسَّح. وأنا والحمد لله راضية جدا بقضاء ربنا، سبحانه وتعالى، حسن جوزى وحبيبى طلع إيجابى كورونا ڤايروس، ربنا يشفيه ويعافيه يارب".
إصابة زوج داليا البحيرى بكورونا
أضافت : "إحنا كلنا عملنا مسحات. أنا والأولاد، واللى بيساعدونا فى البيت؛ عشان نطمن، لأننا كنا مخالطين لحسن . وبإذن الله نعرف النتيجة بكرة بليل. وربنا يجيب العواقب سليمة يارب".
وأكملت داليا البحيرى: "أنا بقول الكلام ده ليه؟؛ عشان أى حد لازم يعمل كده، لازم يقول، وبكل وضوح، عشان الناس اللى كانت مخالطة ليهم يعرفوا، ويطمنوا على نفسهم. لأن دى أمانة. والمرض مش حاجة الواحد يخجل منها".
وتابعت: "بشكر كل اللى اتكلم يطمن على حسن وعلينا، وآسفة إن احنا مش ملاحقين نرد، عشان متكركبين، وبنشوف حنعمل إيه. دعواتكم لحسن بالشفاء العاجل، ودعواتكم لينا إننا نكون بخير، ألف شكر، وربنا يسلمكم جميعا، ويحفظكم من كل شر".
نقلا عن مبتدا
15 - 06 - 2020, 10:43 AM
العرض المتطور