أحمد فلوكس أعيش قصة حب جديدة من سيدة أعمال
نشر الفنان أحمد فلوكس، صورة من داخل إحدى غرف الفنادق، وقد زين عمال الغرف السرير بالورود وبعض الأشكال التي استخدموا المناشف في صناعتها.
وعلق فلوكس على الصور عبر حسابه الشخصي على موقع الفيدوهات والصور “انستجرام”، قائلا: “ههه بسبب الصوره دي قالوا عليا اتجوزت وبقضي شهر العسل وقابليها قالوا عليا إني اتجوزت عرفي وقابليها قالوا كلام كتير بس أحب دلوقتي اقول أنا إيه”.
وأضاف فلوكس: “الحقيقة أه ادعولي أتجوز الإنسانة اللي قابلتها والحقيقة هي كانت معايا في نفس المدرسة وعشرة سنين ومش زي ما قالوا خبيرة تجميل هي الحقيقة سيده أعمال في مجال السياحة، وبنت ناس محترمين جدًا ومن عيلة ولأن وزنها يتاقل دهب والحقيقة علشان أقدر أروح أطلب إديها وأنول شرف جوازها محتاج ترتيبات كتير وأحوش كتير علشان مهرها أكيد مش مهر عادي ولا شبكتها هاتكون شبكة عادية”.
وتابع: “وبما إني مش صغير وعندي ابن فأكيد هي كمان مش صغيرة وأكيد عندها ولاد من أجمل الأولاد اللي شوفتهم في حياتي فأكيد الجواز محتاج وقت وتحضير وعلشان أروح لأهلها ده لوحده موضوع كبير، فا علشان كده لسه ماخدتش خطوه صريحة، ادعولي علشان ساعات بيكون رزق ربنا لعبده هو واحدة زي دي تشاركه حياتوا، للي مهتمين بجوازي ادعولي ربنا يوفقني، دي ردي علي موضوع الجواز، وفي النهاية أحب أقول كلمه واحدة بالنسبة لموضوع السرير (سكر محلي محطوط عليه كريمه)”.
وفي وقت سابق، أوضح الفنان أحمد فلوكس حقيقة الشائعات التي انتشرت حوله في الفترة الماضية، والتي كان آخرها سرقة حسابه وقول العديد من التصريحات على لسانه مثل تقدمه للزواج من فتاة، إلا أنها وافقت عليه بشرط أن يكون زواجًا عرفيًا.
هذا الخبر منقول من : القاهرة 24
04 - 03 - 2020, 01:17 PM
العرض المتطور