زوّادة اليوم: ولا مرّة تستخف بغيرك : 18 / 1 / 2020 /

[souad jaalouk]

زوّادة اليوم: ولا مرّة تستخف بغيرك

بيخبرو عن زلمي ختيار عايش لحالو، فات حرامي عا بيتو بدّو يسرقو. صار يفكّر كيف بدّو يتخلّص منّو. قال عا صوت عالي كتير يا ريتني تجوّزت كان صار عندي يمكن ولدين كنت سمّيتن جاد و شادي و كنّا ساكنين بنفس البيت... الحرامي قال شو هالخرفان عم يحكي وحدو بس هوّي مش عارف انّو هالختيار عندو جارين اسمن جاد و شادي و بس سمعوه عرفو انّو عم يعيّطلن ركضو و كمشو الحرامي و تلفنو للشرطة! الزوّادة اليوم بتقلّك و لا مرّة تستَخف بغيرك و لا مرّة تفكّر تستقوي عا حدا اضعف منّك...ربنا بيعطي القوّة و بيتدخّل بحياة كل اللي بيتّكلو عليه و الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب