من نحنا و زغار كانو اهلنا يقولولنا اذا قعدتو عاقلين بيجي لعندكن بابا نويل. كنّا نكتبلو رسايل و نرسملو رسمات حتّى يفهم علينا منيح و ما يغلبط بالهديّة!
اليوم بدل ما نحنا نكتبلو هوّي رح يكتب رسالة...استقالتو!
كل سنة و انت بخير يا يسوع، عم بكتبلك هالرسالة تا قلّك انّي رح استقيل، الأرض اللي بعتتني عليها ما بقا عم تهتم للقدّيسين و لا لختيار متلي. ما حدا بقا عم يفرح بتيابي الحمر و بغزلاني، صار عندن تياب احلى و سيارات فخمة...سامحني ما بقا قادر ارسم البسمة عا شفاف ميتة حتّى ضحكتها مزيّفة! و لو بتشوف أشباه بابا نويل وين ما كان عم يبيعو الهدايا الغالية...بطّل العيد ببساطتو و فرحتو فيك صار معيار العيد كبر و غلا الهدية! بعرف انّي عم بشكيلك همّي و انت شايف و عارف كل شي...بطلب منّك تقبل استقالتي و تسامحني من جديد!....بابا نويل
معك حق يا بابا نويل تهرب من هالأرض مطرح ما الخَي سرق خيّو و الإبن قتل بَيّو كرمال المصالح و الأنانيّة...روح و ضميرك مرتاح...ما ترجع الّا ما نوعى و نستاهل وجودك و وجود القدّيسين بحياتنا! الله معكن
18 - 12 - 2019, 03:27 AM
رد: زوّادة اليوم: إستقالة بابا نويل 18 / 12 / 2019 /
العرض المتطور