|
 |
 |
 |
|
|
|
رقم المشاركة : ( 1 )
10 - 12 - 2019, 09:02 PM
|
|||||||||||
|
|||||||||||
 نفسي ابقي زينة على الشجرة نفسي ابقي مش مجرد لمبة مطفية.. او حتة زينة مزوية نفسي ابقي ملاك على وش الشجرة مرسل منك في ارسالية نفسي اكون عكاز يتعكز عليه التعبان بكلمة تشجيع او لمسة حب وفية نفسي ابقي قطن ابيض زى التلج ابيض من جواه مش بتاع مظهرية نفسي ابقي نجمة مضيئة في ضلمة دنيا سخيفة م الألم عاقدة بوزها و ملوية نفسي اكون خروف مزود برىء او حتى حمار يعرف قانيه العب اى دور.. كومبارس. . في ملحمة ميلادك الالهية نفسي افرح أطفال فيهم نقاوة ايمان بسيط ارسم على وشوشهم ابتسامة شقية او حتى ابقى تحت الشجرة للفقير صندوق كرتون فيه اى احتياج ليه.. هدية نفسي احس انى لسة انسان رحيم فى زمن راحت منه الرحمة و الانسانية نفسي اكون طرطور بابا نويل.. اه طرطور.. مش مهم.. طرطور طرطور و ماله المهم اتحط على اى راس تبقي بيه متدفية نفسي اضم المتغرب و المريض و المظلوم و اللى موجوع بالاسية نفسي ابقي سلم يطلع عليه مراتى و بناتى و اخواتى و حبايبي بخير و امان و حنية نفسي ابقى واحد من الرعاة على فرع م الشجرة و اسبح معاهم بمجد التسبحة المريمية نفسي ابقي رشفة لبن تشبع الطفل يسوع و كل طفل في حرب بيموت م الجوع. . راحت امه او مات ابوه.. شوية مية.. امبو.. ترطب شفايفه الوردية نفسي ابقى جوال قماش على ضهر بابا نويل.. يدى ما يبقاش انانى عويل.. و اعرف لو لمرة واحدة في حياتى يعنى ايه بركة العطية نفسي ابقي شوية قش يرتاح عليه كل اللى برد الوحدة ماليه او تترعش اوصالها من ضيق الانتظار فيه.. بالأمل مستنية نفسي ابقي صفر جنب أتنين ونبقى عشرين نشبع بلقمة من غير خصام.. الله يارب.. لقمة هنية نفسي ابقي ترنيمة فرح بالخلاص .. نغمة حلوة.. بشارة.. مش نشاذ بفردية.. نفسي اغتنى في نفسي.. اعلمها تشكر و ما تحسدش و لا تغيرش و لا تتذمر .. تبقي عزيزة كده في طلبها و مستحية نفسى ابقي كورة لامعة م اللى بيتعلقوا.. ما تقفش ابدا .. تتدحرج بسرعة ناحية سماو أبدية نفسي أصدق انك بتحبنى ...مش قصة قبل النوم.. اشوفك من وسط الغيوم.. اختبر حقيقتك و انك مش حكاية خيالية نفسي اتحط على الشجرة السنة دى.. ما ابقاش قليل القيمة في عينك او مجرد زينة مرمية نفسي تخرجنى من كراكيبى و تقول نضفوة بالتوبة.. ينفع يتحط السنة ديه نفسي يايسوع أتصور معاك.. ابقي في اى حتة م الصورة.. تشفع لى امك مريم و تقول علشان خاطرى سيبه السنة دى كمان.. حياخدها بجدية اه يارب لو بس تركز معايا.. تسامحنى على زلاتى و شهواتى و تغفر لى جنوحى.. تغفر لى كل خطية نفسي توسع رزقي و ما تحوجنيش و تسترها علينا.. و تسد عنى و عن كل مديون المديونية خلى بالك من كل اللى بحبهم.. طول عمرهم.. و لو نقص العمر عندك خد من عمرى و اديهم كلهم.. المهم اشوفهم السنة الجاية رد الغايب و التايه و اللى سرقته السنين من حضننا.. فك قيودى و قيود كل مأسور. . ابنى يايسوع بجسدك للحب جسور.. الأرض من غير الحب بور.. هبنا الحرية ميلادك يارب مفرح.. طب ما تفرحنى بقة و فرح كل حبايبى.. حفظنى طرقك و وصيتك غيبي .. و رد مظلمتى و حارب عنى و ادينى.. مش بحسب قلبى.. لأ.. لكن حسب مراحمك الغنية بص.. مش مهم الشجرة تبقي كبيرة.. مش مهم سفينة و لا مركب صغيرة و لا معدية ..المهم تبقي فيها ع الوسادة نايم حتى لو الموج بقي عالى و الريح قوية . . المهم المعية و لو دى اخر سنة.. معلش ما تاخذنيش.. م العشم بطلب.. ما اروحش الملكوت لوحدى لكن كل اللى بالى بالك معايا.. نخش كلنا.. بايدك تقدر تضمنا .. مش انت قلت ان معرفتك مش مجرد فكرة.. معرفتك اتحادية اقولك .. ما تتحيرش ويايا.. مش مهم انا ايه ع الشجرة.. زينة دهب و لا مرة. . حتى لو خيط يربط هابى نيو يير.. المهم اكون مدعو للتغيير.. لمنى من شارع او حارة و لا حتى مغارة .. متوسخ و لا أعمى و لا اعرج و لا مكسور و متجرح عريان . . طب مانت عارفنى.. ايش تاخد الريح م البلاط.. ما انا غلبان .. حستنى منك لبس العرس.. الحلة الأولى.. و الخاتم.. و دعوة سبيشيال كده مكتوب عليها أسمى .. شرفنى.. و اكتب لى كلمة حلوة تعزينى.. اتباهى كده و اقول أصله يعرفنى.. اهلا بيك انت و أهل بيتك في الاحتفالية 
|
 |
|
| قد تكون مهتم بالمواضيع التالية ايضاً |
| الموضوع |
| نفسي ييجي الوقت اللي ابقى فيه فعلا "مبسوط" بحياتي |
| صورة كرتون مميزة | يا يسوع نفسي ابقى صورتك |
| زينة الكريسماس مع بابا نويل وكلب بجانب الشجرة |
| يا رب انا نفسي ابقى مبسوط |
| نفسي ابقي عند حسن ظنك |
العرض المتطور