|
 |
 |
 |
|
|
|
رقم المشاركة : ( 1 )
23 - 08 - 2019, 12:41 PM
|
|||||||||||
|
|||||||||||
 نعمل ايه في خطايا الماضي اللي عملناها بحماقتنا و اندفاعنا؟؟ فيه حاجات ما بينفعش ترجع : علاقة وحشة كلها نجاسة مثلا ، فيها طهارتك و طهارة واحدة معاك اتلوثت .. ممكن تكونوا بعدتم، لكن ح نصلح اللي اتعمل في الضمير و الذكريات ازاي ؟؟ زي مثلا غلطة داود، لما خان صديقه اوريا ، و أخطأ مع زوجته و بعدين ارسل و قتله !! زي كمان غضب عنيف اتسبب في مشكلة، و الناس اتفرقت ، و لا عارفين تلاقيهم علشان تتصالح و نتراضي و نرد المسلوب.. مثلا غضب اتسبب في جريمة، لما موسي قتل المصري . . يعمل أيه مع واحد حياته انتهت و ممكن يكون رمل زوجته و يتم أولاده؟؟ فيه حاجات حتي لما ربنا يسامحها، الماضي ما بيرجعش ، و اثرها بيعيش معانا لدلوقت، و مش عارفين نصلح اثره .. هنا لازم العقل يتشفي.. كام خطوة مهمين .. ١- مفهوم انك تدور علي اللي اتأذي بسببك زمان و تراضيه و تعوضه ، لو تقدر اعمل كده ، و ده غالبا بيبقي اقرب للمستحيل .. لو ما عرفتش ما توسوسش و سيب الموضوع.. ٢-لكن لو مش عارف أو مش لاقيه، او حاولت و رفض (و ده كله غالبا اللي بيحصل ) ، سامح نفسك من جوه علشان عقلك ما يتعبش.. انت عملت اللي عليك ، و ربنا قبل محاولاتك و غفر لك ، يبقي تسامح نفسك ٣-فيه حاجات مش ح ترجع: حب قديم و انتهي، خطوبة و خلصت ، أصدقاء و اختلفوا و اللي سافر و اللي هاجر و اللي مش عارفين نوصله و اللي ما بيردش ..خلاف حاد انتهي بقطيعة و مش ح تتحل لاستحالة اللقاء أو تعقيداته .. هنا برضه انت بريء : الماضي مش ح نرجعه، لكن نداويه و نشفيه. . لان مفيش قي ايدك حاحة برضه تغفر لنفسك .. ريح عقلك علي وسادة الإيمان، و ربنا لما بيسامحك بيشيل من علي كتافك عبء إصلاح حاجة مش ح تنفع تتصلح .. و افتكر ان ربنا بارك داود و صلح له ماضيه، و سمح أن سليمان ابنه وولي عرشه يتولد من بتشبع اللي غلط معاها و تاب بعد كده .. برضه موسي ، ربنا باركه و خلاه سبب في انقاذ كل شعب الله من الهلاك بما فيهم المصريين اللي خرجوا معاهم من مصر (الكتاب بيسميهم اللفيف ) يبقي الماضي ما بيرجعش زي الأول، انت اللي بتتشفي بنعمة الله و بترجع احسن من الأول !! 
|
 |
|
العرض المتطور