ابي ليس غافلا بل داخل قلبي مُزهراً

[walaa farouk]

عندي ايمان ان كل ضغطه تحت رحايتك مش موت لكن حياة.
عندي ايمان ان عصاية تأديبك مش عقاب لكن اعاده تحويل للمسار.
عندي ايمان ان سُكاتك مش تجاهل لكن تدبير لامور اعظم في الطريق.
عندي ايمان انك بتسمح ان الكل يتخلى ووقت الضيق يبعد عشان الساحه تكون فاضيه ليك.
عندي ايمان ان التجاهل والتجريح وصغر النفس
للتشكيل مش للتحقير.
عندي ايمان ان كل ماتسود حواليا
نور شمسك هيبان وبرك هيبقى واضح لكل العيان.
عندي ايمان ان لسه هزيعي الاخير مجاش
طول مانت لسه مدى نفس يعافر وان ف مرحله هتيجي
واقابلك فيها على الميه.
عندي ايمان ان مهما التخبط والموج عّلى سفينتي بأمان لأنك لسه فيها ومش هتخرج لان قلبك قلب اب وليك كل السلطان.
عندي ايمان ان كل الاشياء معاك بتعمل للخير
وان ابليس بيصدرهالي شر وانت دايما بتمد ايدك
وتتفل في الطين وبتخلق كل مره عين ايمان.
عندي ايمان انك شايف فيا جمال
ومتغاضي عن كل قُبح ورجاسه قلب وبتعدل فيه عشان يليق بيك.
عندي ايمان ان حبك ملوش مثيل وهيجي يوم اغني فيه وياك بمراحمك اللي لولاها كان نفسي خلص من زمان .
لا بالعيان لكن بالإيمان احبو على صدرك واتنعم في حضنك يا الله ابي 💞🙏
💖

[Mary Naeem]

وتتفل في الطين وبتخلق كل مره عين ايمان.
عندي ايمان انك شايف فيا جمال

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى