زوّادة اليوم: اليوم كلنا مدعوّين نتمثل بمار الياس2019/7/19

[souad jaalouk]

زوّادة اليوم: اليوم كلنا مدعوّين نتمثل بمار الياس
بيقول النبي ايليا اللي اليوم عم نحتفل بليلة عيدو:
" لأنّ بني إسرائيل قد تركوا عهدك ونقضوا مذابحك وقتلوا أنبياءك بالسيف فبقيتُ أنا وحدي وهم يطلبون نفسي (۱ مل ۱۹: ۱٠)"
بعد ما تحدّوه كهنة بعال و بعد ما ربح التحدّي، هدّدتو الملكة ايزابيل بالقتل! هالشي مش غريب عن تاريخ الكنيسة، كل اللي حاملين رسالة الرب واجهو رفض و اتهامات و صعوبات و اضطهادات و كتار منّن سقطوا شهداء فداء لإيمانن و رسالتن.
اوقات كتير نحنا بحياتنا منختبر نفس الشي، بينتقدونا بسبب ايماننا، بيبعدو عنّا بسبب قربنا من ربنا، بيعتبرونا متخلّفين اذا صلّينا...اليوم كلنا مدعوّين نتمثّل بمار الياس اللي ما تعب يناضل و ربنا طلّعو عالسما حَي بمركبة من نار...انتو كمان ما تيأسو قد ما كانت الطريق صعبة و كونو اكيدين انّو الفرح الأبدي بإنتظاركن...ينعاد عا كل اللي حامل اسم مار الياس، شفاعتو معكن و معنا و الله معكن

[walaa farouk]

ميرسي على زوادة اليوم
ربنا يبارك خدمتك ويفرح قلبك

[Mary Naeem]

ينعاد عا كل اللي حامل اسم مار الياس، شفاعتو معكن و معنا
ميرسي على زوادة اليوم

[Ramez5]

ميرسى على زوادة اليوم
ربنا يبارك خدمتك

[souad jaalouk]

ألف شكر على المرور الغالي أخوتي الأحباء