10 - 07 - 2019, 10:22 AM
|
|
|
|
..::| الإدارة العامة |::..
|
|
|
|
|
|
الجودة و الكفاءة غالية و مكلفة و زبونها اللي عارف قيمتها قليل ..
من هنا طلعت "الفكرة الصيني " .. شكل ميهر مع رخص المكونات
و رخص التمن، الزبون يجي و يشتري، و بعد عمر افتراضي قصير يكتشف عيوبه
، و يكتشف أن دفع تمن قليل في جودة قليلة ، و أن اللي شده الابهار مش الكفاءة ..
(طبعا فيه منتجات صيني ممتازة ، بس غالية لان تكلفتها كتير و دي بس بتتعمل بالطلب و لبلاد معينة) ..
النظرية دي بقت مش بس في المنتجات دي اتنقلت للناس..
بقي فيه "عامل صيني" ، موظف صيني" ، "حرفي صيني"
، "متدين صيني" ، خادم صيني" ، "زوج أو زوجة صيني" ..
كل واحد من دول تبان "عيوب الصناعة" فيه بسرعة .
. تنبهر بيه في الاول ، و بعد شوية تبان مشاكله و عيوبه..
اوعي تكون من النوع ده .. خليك اصيل و أمين و ادي شغلك أو خدمتك أو علاقاتك حقها الكامل ..
يمكن "الزبون" يبقي "قليل" ، بس ح يحترمك و انت ح تحترم نفسك طول عمرك ..
|
