15 - 04 - 2019, 07:51 AM
|
|
|
|
..::| الإدارة العامة |::..
|
|
|
|
|
|
س :ليه يارب بدل ماتقوله فتح عنيك جبت طين
وتفلت عليه يعنى (زودت الطينه بله)
ج:ساعات كتير الطين(التجارب)
تبقى هى الاداه اللى هاتنورلك طريقك
س: طب ليه يارب لما فتح ماالاقكش
وسبته يتبهدل من اقرب الناس ليه؟
ج: ساعات بحب اخليك تشوف الناس على حقيقتها.
. تعرف الكل صح. تعرف اللى حواليك صح..
هو كان اعمى فاكر الناس بتحبه لما بتديله فلوس..
اكل.. حب.. حنيه لكن الحقيقه انا حبيت اورهاله
وقلت لازم اخليه يشوف الاول الناس صح..
عارف لو كان الناس شالته من على الارض شيل
وفرحت بيه والكل قال مبروك مبروك..
والاب والام قالوا ابننا فتح ابننا فتح..
كان ساعتها نسينى واتلخم بردو فى الناس..
لكن انا عملت كده علشان يعرف اللى حواليه علشان ينادينى اكتر
س: طب ليه يارب مدفعتش عنه طب
كنت اقف جنبه زى الزانيه وخده فى حضنك؟
ج: كل مريض وله دواه. مش كل الادويه تنفع لكل الامراض..
الاعمى دواه انه لازم يشوف..
الزانيه كانت عارفه ان الناس بيقلولها بحبك علشان ينالوا غرضهم.
.لكن ده لازم يشوف صح.
س: طب ليه اتحيروا فيه ومعرفهوش واهلوا انكروه وخدام الهيكل طردوه؟
ج: بص يا حبيبى كل اللى يشوف النور الناس هاتحتار فيه
.. زى ماحتاروا فيا انا النور الحقيقى ..
مره يقولوا عليا خاطى وزانى علشان بقعد مع خطاه..
ومره يقولوا ده سامرى..
ومره يقولوا ده به شيطان.. النور بيحير كل انسان قاعد فى ضلمه..
هما احتاروا فيه . عارف ليه؟ (بكى يسوع فى الحوار وقال):
علشان لما حد بيعطف عليه مكنش بيبص فى وشه..
محدش بيبصله بنظره حب حقيقية .. هما اصلا مكنوش عارفينه..
زىي بالظبط هما مش عارفنى شعبى مش فاهمنى .
ولما جتلهم بالنور طردونى واهانونى
س: طب يارب اول ماطردت انت لاقيته . قلتله ايه؟
ج: قلتله تؤمن بابن الله.. قال مين هو.
قلتله اللى انت شايفه هو اللى قدامك
لقيت عينه بتقولى(ابويا وامى طاردونى)
قلتله: انا ابوك وان نسييت الام رضيعها انا لن انساك
قالى (اقرب الناس ليا مش عارفنى)
..قلتله: انا عارفك من بطن امك.
. عرفتك باسمك انت لى وفى النهايه دموعه نزلت
ودموعى انا رويته من عطشه..
وخدته فى حضنى وقالى(بنورك يارب نعاين النور )
|
