|
 |
 |
 |
|
|
|
رقم المشاركة : ( 1 )
03 - 04 - 2019, 02:41 PM
|
|||||||||||
|
|||||||||||
 الكلام دا بيحصل بجد 😢 عارف يارب الناس إللى عمال تنفضهم من حياتى حل محلهم دوشه . دوشه لا بتتقال ولا بتتحكى دوشه بيرها غاويط . فاهمه قصدك من تفرغهم هو انى افضالك واركز معاك اكتر عشان تعرف تجمل فيا براحتك . المشكله مش ف انك بتفضى وتروق الكركبا إللى جوا المشكله الحقيقيه أنا - كل ماشوفك خلصت حته اكركبهالك زياده بأفكار واتهامات مالهاش اخر. زمان كنت زحمه ومليانه كركبا وكان بيفرق معايا كل حد يبعد عارف ليه ؟ لأنك مكنتش فى الصوره - لكن دلوقتى معدش فارق مين راح ومين لسه برضه هيروح عارف إللى بيفرق بجد ايه - انت - ومش بمثاليه بقولها ، الفارق ان بعد مابقيت ف الصوره بقيت استخبى منك واعمل مقموصه منك ف زعلى وببقى فاهمه انك قارى انى بدلع عليك العجيب انك بتناغشنى وبتجرجر فيا فى الوقت إللى بلومك فيه وانا برضه معانده واوقات بحسنى منافقه ومرائيه وان جوايا غير برايا بمعنى إللى بقوله عنك مش بطبقه . ف الوقت دا والعجيب انك تبعتلى حد ولا اعرفه ويكون محتاجك انت مش انا وألقى نفسى بقول كلام ولا على بالى اقوله لانى ببقى اكتر حد محتجاه وكأنك يتخبط فيا بيا وبتفوقنى . انا عارفه انى اكتر وقت بعوزك فيه بيبقى اكتر وقت بهرب منك وعارفه ان لسه مستوى الرؤيه عندى بعمر نونو لسه ف شهوره الأولى يعنى بشوف طشاش وكله مغلوش فى عينى . بص انا مش مبسوطه ومش زعلانه بالغربله إللى انت بقالك فتره بتعملها جوايا انا مبسوطه انك شغال وعاوزنى ، وزعلانه من هروبى منك لان رجوعى بيخلينى معرفش ابص فى عنيك واما ادرى الناس عن نظره عينك واللى بتعمله ف الواحد . صحيح انت مش بتتعاند بس بترق وقلبك طيب ، انت مش بتغير موقفك بس بتعمل الصالح ، صحيح مابتحبش دموعى بس بتمسحها وبتعملى اعادة شحن ، صحيح مفيش حاجه بتتغير وكله ضرب ف النفوخ والقلب بس بتدى باور وطاقه اتحمل ، صحيح الألوان بقالها فتره محصورة فى الاسود بس باخد بالى انك بتفكرنى انك عملتلى قوس قزح للوعد والعهد وعارفه انك كريم وايدك مليانه بالجود وهيجى يوم تدى لأنك اصلا استجبت لاناتى وصراعى . انت هدفك مطلعش من حضنك ولا انى ابعد عن عينك لما استخبى عشان كدا بتحب تقرص وانا اتقمص ووقتها تجيبنى بس لو كنت افهم حبك من زمان انا بقيت أميز دلوقتى ان قرصك مش عقاب ولا شد ودان قرصك حب عشان ترجعنى وتخبينى فيك مش منك بقيت أميز ان الكركبا بتفضى عشان يكونلى رعايه خاصه واهتمام خصوصى منك انت بقيت أميز انى مش لكل عابر سبيل يتعبنى بأفكاره وارائه ويسلبنى من كرامتى إللى فيك لما يشوفنى غلط او يحصرنى فى قالب مش بتاعى . نفسى تتعامل معاهم شخصياً وتدوقهم حلاوه قرصه اهتمامك مش عقابك وتكمل شفاء مشاعرنا كلنا المتجرحه لان شفانا فيك انت واللى بيجرح مش شرط يكون غريب ممكن يكون قريب بس انا بقيت أميز انك أقرب والسق من الأخ . شكراً_بابا لايدك إللى بتقرص لانها بتعرفنى مقدار حبك واهتمامك وقيمتى عندك كمل تجميل وشفاء مشاعر وانت محوط عليا ومخبينى جواك . 
|
|
03 - 04 - 2019, 03:03 PM
|
رقم المشاركة : ( 2 ) | ||||
|
† Admin Woman †
|
رد: كمل تجميل وشفاء مشاعرى
شكراً_بابا لايدك إللى بتقرص لانها بتعرفنى مقدار حبك واهتمامك وقيمتى عندك كمل تجميل وشفاء مشاعر وانت محوط عليا ومخبينى جواك آمين يا رب |
||||
|
|
|
03 - 04 - 2019, 10:57 PM
|
رقم المشاركة : ( 3 ) | ||||
|
..::| الإدارة العامة |::..
|
رد: كمل تجميل وشفاء مشاعرى
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| مش هتجاهل مشاعرى |
| أكتم مشاعري |
| طبيب تجميل 115 ألف جنيه تكلفة تجميل وجه غادة عبد الرازق |
| طريقة تحميل فيديوهات الفيسبوك وأيضا تحميل حالات الواتساب |
| هل يتفوق تحليل "خصلة شعر" على تحليل الحمض النووي؟ |
العرض المتطور