|
 |
 |
 |
|
|
|
رقم المشاركة : ( 1 )
25 - 03 - 2019, 10:27 PM
|
|||||||||||
|
|||||||||||
 =انا بحبك بس مش عارفه ! - مش عارفه ايه = بوص حاول تفهمنى - حاضر هركز = انا بحبك - وانا كمان بحبك = لا استنى انا بفهمك ركز معايا - معاكى ومش مع غيرك ، اتفضلي =انا بحبك - حلو = بس مش عارفه - مش عارفه ايه بقي ! = مش عارفه أحبك ! بوص اشرحلك... انا من جوايا بحبك بس كل اللى برايا وافعالى الخارجيه مابتقولش كدا يعنى انا بحبك .. بس عنيا بتصطاد اخطاء الناس وافضل احكى عليهم ! بحبك .. بس مابقعدش معاك عندى حاجات كتير اعملها غير انى اقعد معاك وف نفس الوقت ببقي فاضيه ومش لاقيه حاجه اعملها ! بحبك .. بس النم مع صحابي حاجه حلوه جدا ! بحبك .. بس مابخدمكش انا مابحبش الخدمه ! بوص هو انا بحبك بس كل اللى بعمله بيقول انى مابحبكش ! يبقي ف الحقيقه بحبك ولا لا ! - خلصتى ! اسمحيلي اتكلم بقي ! = اتفضل - انتى بتحبينى = حلو - بس مش فهمانى وطبيعى طول مانتى بعيده لا هتفهمينى ولا هتعرفي توصلي حبك ليا ! عارفه لما يبقي واحد بيحب القرايا اوى وواحده مش متعلمه بتحبه .. هيكونوا ايه ! = يمكن تكون اهتماماتهم مش واحده ! - واقولك كمان هى مش فاهمه تفكيره ازاى ف مش عارفه توصله حبها ف الحين اللى بيكون مستنى منها أنها تهديه روايه دليل ع حبها بتروح تعزمه ع طبخه طبختهاله ف بالتالى هى بتحبه بس مش عارفه تثبت دا جواها بيحبه بس اللى بتعمله ممكن يخليه... = يكرهها ! - هيكرهها بس لأنه بنى ادم بيهمه أن الحب يوصله بالطريقه اللى هو عاوزها زى مايكون خطيب عزم خطيبته ف مطعم كبير بس هى عاوزه تروح السينما فمهما دفع ف العزومه مش هتنبسط بيها ! لكن أنا صعب اكرهك وصعب عليكى تفهمى انا عاوز ايه بس ممكن اقولك *انا مش ضد لما تقعدى تحكى مع صحابك ع الناس بس ماتفضحيش اللى انا ساتره قعدتى مع حد وجبتو سيره حد تاني حاولى تحببيه فيه حتى لو انتى مش حباه ... *انا مش هقولك امنعى عنيكى عن انك تشوفي عيوب الناس يمكن ماتقدريش بس استريها ..شوفتي عيب ف شخص شكله ولا شخصيته خبيه جواكى ماتقوليش * ماتقعديش معايا وروحى اعملى الولا حاجه اللى بتعمليها بس تعرفي تفتكرينى وانتى بتعمليها ! مش عاوزك تسيبى اللى وراكى وتيجى ليا بس لو رفعتى عنيكى للسما والاقيكى بصتيلي نظره اشتياق وحب وانتى بتقولي " انا فكراك " انا هبقى راضى * مين قال انك مش بتخدمينى ! لما بتسمعى اي حد مضايق بيجيلك عشان مش لاقي حد وبتنهى حوارك معاه ب "روح صلي " دى خدمه لما مابتعرفيش تعملى اي حاجه للناس اللى الشارع بقي بيتهم ف تروحى تعيطى و تدعيلهم وتصلي من اجلهم دى خدمه لما بتدى اهتمام للمنبوذين المرفضيين وبتشفقى عليهم وبتيجى تقوليلى " فلان حاسس نفسه مكروه اتصرف انت " دى خدمه بوصى انا يكفيني قلبك ...قلبك بيحبني ! = بيحبك اوى - وانا هديكى حسب قلبك ... بس تفهمينى مش محتاج منك كتير لو كنتى امينه ف انك تحاولى تفهمى الجزء اللى ع قدك هتبقي امينه فحبك ليا وهيظهرلى واللى برا هيدل ع اللى جوا زى مانتى عاوزه هتبقي بتحبينى وعارفه تحبينى = ممكن اقولك حاجه ! - اتفضلي ! = انت مبدع - اشمعنا ! = مش بس لابداعك ف انك بتخلق حاجات حلوه وليك قدره عظيمه ع تكوين الطبيعه لكن *انت مبدع ف حل المشاكل دايما تقفلها اوى وتجيب حل غير متوقع ف الاخر *مبدع ف عطياك يعنى مثلا واحده تفضل تدعى بعريس فجأه تجيلها وظيفه ماتكونش محتجاها وف الاخر بتشكرك انك ماادتهاش العريس الاول *مبدع ف بركتك لما حد بيطلب بركه منك بتكون عظيمه وغير متوقعه * مبدع ف تكوين الشخصيات مش بس بتبدع ف الشكل والتكوين الداخلى للجسم لا انت بتخلقه وبتسمح انه يتعذب ويتمرمط ويترفض ويسيب ويتساب ويتكرم مره ويتهان الف مره عشان ف الاخر بدل ما كان "باكيآ شاكيآ" من شده قسوتك عليه فجأة يتحول" لباكيآ شاكرآ " للى كان بيسميه قسوه وبيقولك " شكرا أن كل دا كان من نصيبي عشان دا اللى عملنى " انت اه صعب الواحد يفهمك بسهوله بس دا طبيعى ماهو لو كانت بتقعد معاه وفهمت من كتر الكلام وياه أنه بيحب القرايا كانت اتعلمتها مخصوص وراحت اشترتله الروايه انت حقيقي مبدع ، انا آلهى مبدع - انا فعلا مبدع ، بس عشان عرفت اكسبك ليا - تيجى نرقص ! = ودا ينفع !!!! - مستغربه ليه ! انا بشوف كل الابهات بيرقصوا مع بناتهم ! - ايدك يابنتى = بابا المبدع ....💙 #المبدع_الأعظم 
|
|
26 - 03 - 2019, 11:11 AM
|
رقم المشاركة : ( 2 ) | ||||
|
† Admin Woman †
|
رد: المبدع الاعظم
انت اه صعب الواحد يفهمك بسهوله بس دا طبيعى ماهو لو كانت بتقعد معاه
وفهمت من كتر الكلام وياه أنه بيحب القرايا كانت اتعلمتها مخصوص وراحت اشترتله الروايه انت حقيقي مبدع ، انا آلهى مبدع رووووووووووعة حببتي ربنا يفرح قلبك |
||||
|
|
|
26 - 03 - 2019, 09:13 PM
|
رقم المشاركة : ( 3 ) | ||||
|
..::| الإدارة العامة |::..
|
رد: المبدع الاعظم
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ربما يكون الوقت الاعظم وفيه التعويض الاعظم |
| بصمة المبدع |
| بابا المبدع |
| الرجل المبدع |
| المبدع |
العرض المتطور