زوادة اليوم : الباب اللي ما إلو باب

[souad jaalouk]

زوّادة اليوم: البيت اللي ما إلو باب
بيقول الأنبا موسى الأسود: "كمثل بيت لا باب له الإنسان الذي لا يحفظ لسانه"
البيت اللي ما الو باب ما بيكون محمي و بيكون معرّض للسرقة و معرّض يعصف فيه الهوا و يفوت عليه شتي، و معرّض كمان يفوت عليه اي حدا بدون اذن!
اللي ما بينتبه عا لسانو شو بيحكي بيشبه هالبيت كتير! اذا بتحكي اشيا مش مزبوطة بتصير معرّض الناس تستعمل حكيك ضدّك، و بتخسر ثقة اللي حولك و محبتن. اللي بيستعمل لسانو حتّى يؤذي العالم، الناس رح تبعد عنّو و بالآخر رح يكون لحالو متل البيت المهجور اللي بلا باب! انتبهو شو بتحكو لأنّو الكلمة بتعلّم بقلوب الناس و اثرها ما بيروح بالهيّن...الكلمة البشعة ما بتكلّف شي و الحلوة ما بتكلّف شي...انتو قرّرو! الله معكن

[Ramez5]

فعلاً عندك حق ..
ميرسى لمشاركتك المثمرة

[walaa farouk]

اكيد فعلا
ميرسي على زوادة اليوم

[Mary Naeem]

الكلمة البشعة ما بتكلّف شي و الحلوة ما بتكلّف شي...انتو قرّرو!
زوّادة اليوم: الكلمة الحلوة والكلمة البشعة