لهذه الاسباب تعلقت القلوب برجل الصلاة (البابا كيرلس السادس )

[walaa farouk]

لماذا البابا كيرلس تعلقت به قلوب الاقباط و مسيحيي الشرق الي هذا الحد؟!
١-البابا كيرلس صنع نهضة روحية حقيقية للكنيسة القبطية
من خلال ممارسة طقوسها بروحانية عميقة من القلب
٢- قام برسامة مجموعة كبيرة من الاساقفة المستنيرين ...
لم يهتم بعنصر السن ولكن عنصر الشخص
(الانبا شنوده اسقف التعليم- الانبا غريغوريوس اسقف البحث العلمي-الانبا صمويل اسقف الخدمات)
٣- اول بابا قبطي يقوم برسامة اساقفة عوام بدون ايبارشيات
٤- قربه الشديد من الشعب القبطي - كان بابه مفتوح للجميع و بسهولة شديدة تقدر تقابله
-متواجد يوميا في القداس و العشية و ممكن تسلم عليه اي وقت
٥- كل الاماكن التي اسسها بنفسه اصبحت مزارات تاريخية للكنيسة القبطية :
-طاحونة الهواء في الصحرا ... اللي الناس زمان كانت تتريق عليها ..
. اصبحت مزار كبير جدا و منطقة عمرانة
- كنيسة مارمينا مصر القديمة
-دير مارمينا بمريوط اللي هوجم كثيرا بسببه انه يبذر اموال الكنيسة القبطية لبناؤه ...
انهارده مين فينا مزارش الدير و شاف جماله ويعتبر من اكبر الاديرة القبطية في مصر بل من اكبر اديرة العالم المسيحي
- بني الكاتدرائية المرقسية ... اكبر كاتدرائية في الشرق الاوسط
و تم تجليس البابا شنوده و البابا تواضروس فيها
-اهتم بإحياء الحياة الرهبانية و اصدر امر برجوع جميع الرهبان الي اديرتهم
٦- مفيش بيت او اسره ليس لها معه ذكريات اثناء حياته
٧- لم يطلبه احد بعد نياحته و خذله
٨- اول بابا قبطي يهتم بتأسيس كنيسة في كل دولة من دول المهجر ..
. هو اللي وضع البذرة الاولي و كل الموجود الان ده ببركة البذرة اللي هو وضعها
٩- علي الرغم من انه بابا الكنيسة القبطية الا ان صورته موجوده داخل بيوت السريان و الارمن و الاقباط
... ارثوذكس و كاثوليك ... و روم و احباش و الجميع يطلب صلاته و شفاعته ..
. و ده شيئ نادر الحدوث جدا ...و قلما تجد قديس عليه اجماع من ابناء جميع الطائف المسيحية
١٠- علاقته القوية بالكنيسة الحبشية و ابناءها ... يكفي انحناء امبراطور اثيوبيا امامه و تقبيل يده ..
حقيقي ...سر الله لخائفيه
و حقيقي احنا عايشين في بركة كبيرة بسبب
هذا القديس العظيم اللي كان بابا للكنيسة القبطية
و اللي التاريخ لا يمكن ابدا ان ينسي ما قدمه للكنيسة و ابناءها

[Mary Naeem]

بركته تكون معنا
ربنا يبارك حياتك

[walaa farouk]

ميرسى على مرورك الغالى