|
 |
 |
 |
|
|
|
رقم المشاركة : ( 1 )
15 - 02 - 2019, 10:17 PM
|
|||||||||||
|
|||||||||||
 برسيم ولا بلح؟ ✋🏾 مفيش مقارنة اصلاً بس.. المزارعين زمان كانوا يقولولك ان البرسيم بياخد في مدة زراعته بالظبط ٤٥ يوم ، مدة مش طويلة لأنه ف الاخر برسيم.. في حين ان زراعة النخل قبل الكيماويات طبعا وكدة بتاخد مدة من ١٠ ل ١٥ سنة عشان يطلع ويثمر بلح اللي انت تبص له وعينك تزوغ عليه ده وتحب تاكله.. - السهل مفيش اكتر منه , في امتحان سهل تغش .. في لجنة سهل تدي رشوة .. ضايقك حد تقلب عليه الدنيا بكلمة .. حاجات سهلة مش صعبة نهائي بس انت بتفضل برسيم .. مع انك ممكن تذاكر و تحترم القوانين تحط نفسك مكان غيرك ولو شوية بس.. - العيشة بقت صعبة واسعار كل حاجة نار محدش طايق نفسه واهلك بيطلعوا همهم فيك محدش عارف يحتوي احلامك يفهمها ولا يقدرها والسهل انك تستلم لده تثور ع القريبين منك تبيع الكل تفضل متضايق مستسلم واقع هتفضل برسيم .. الاصعب انك تدي لنفسك هدنة تفهمهم تحتويهم انت لومش هيحتووك ومش شرط الكل تفضفضله باللي جواك ..وتقابل الكل بضحكة مش جايز تفرق مع حد ويوم ليك تعمل كدة ويوم عليك حد يهون عليك يردهالك 😊😉 لو حد قالك فكرة تشجع ادي نفسك فرصة واحدة تتأثر بيها.. لو جاتلك فرصة تعمل حاجة حلوة ليه ماتعملهاش .. ادي نفسك تطلع بلح تطلع احلي ما فيك..🏾😃😄 - احلامك لو استسهلت فيها مش هتكملها ، يمكن كلام انك طبيعي تقع مرة واتنين وعشرة ده اتهرس ومابيهونش بس انت كل مرة وقعت فيها ماتعلمتش حاجة حلوة للفرصة اللي بعدها تبقي فايتك كتير . .حتي لو وقعت ربنا بيعمل دايما اللي بيبنينا مش اللي بيرضينا ..إقوي..😄💪🏻 ومع ربنا بقي .. عادي خالص انك تحفظ وصاياه عادي تنزل خدمة بس لو فضلت ماتعيشش الوصية ولا تعيش الخدمة هتبقي مع الوقت منظر مفيش منك ثمر محدش بيحب يقرب منك اللي هيقرب هيبقي مصالح وارادة ربنا ليك مش انك تقول عنه ده تقولوا قبل ما تقول عنه .. تاخد وقتك في فهمه وانك تحبه انك ترد له جمايله بكلمة حلوة حتي . . خد وقتك دلوقتي وبعدين لحد ما تحس بشماله تحت رأسي ويمينه تعانقني .. ماتفوتش عليگ الحب ده ☺💖🏻😍 ماتفوتش تصبر وتطلع ثمر حلو تطلع احلي نسخة منك قدام ربنا ونفسك والناس كفاية برسيم! 
|
|
16 - 02 - 2019, 12:30 PM
|
رقم المشاركة : ( 2 ) | ||||
|
† Admin Woman †
|
رد: برسيم ولا بلح
ماتفوتش تصبر وتطلع ثمر حلو تطلع احلي نسخة منك قدام ربنا ونفسك والناس
كفاية برسيم صح يا قمر ربنا يباركك حببتي |
||||
|
|
|
16 - 02 - 2019, 07:08 PM
|
رقم المشاركة : ( 3 ) | ||||
|
..::| الإدارة العامة |::..
|
رد: برسيم ولا بلح
ميرسي على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ترسيم الحدود |
| حزمة برسيم |
| عصير برسيم |
| برسيل |
| ترسيم 13 كاهنا بكنائس الإسكندرية واعتذار 5 وتأجيل ترسيم كاهن " القديسين" |
العرض المتطور