| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
22 - 11 - 2018, 10:54 PM
|
||||
|
||||
 في يوم من الايام فوجئ بطرس الرسول باثنين رجالة بيجروا عليه و بيقولوا له "قوم تعالي بسرعة علي مدينة يافا لأن في شخصية مهمة جداً ماتت و التلاميذ قالبين الدنيا هناك و انت هنا في مدينة لدة قريب منهم.." بطرس قام بسرعة و راح مع الرجلان...و اول ما وصل لقي مجموعة ناس مهمة جداً واقفة مستنياه و وسط دموعهم بيفرجوه علي الذهب و اللآلئ اللي كانت المرحومة بتوزعه عليهم... بطرس حس بكمية الحزن اللي مالية الناس...طلع فوق في العلية اللي فيها السيدة المنتقلة و صلي لربنا انها تقوم...و فعلاً حصلت المعجزة العظيمة و قامت "طابيثا".. بس الحقيقة طابيثا كانت انسانة بسيطة خالص لكن اعمالها عظيمة جداً.. .و الحقيقة ان الناس المهمة اللي كانت واقفة بتبكي عليها و بتوري بطرس الذهب و المرجان، هن مجموعة الارامل الغلابة اللي جايبين معاهم الاقمصة و الثياب اللي كانت طابيثا بتفصلها لهم بكل حب... طابيثا البسيطة كانت مُهتمة انها تُستر و تفرح فئة فقيرة و مُستضعفة في المجتمع اليهودي اللي هي "الارامل"...بس اللي ماكانش حد يعرفه ان دموع الفئة دي تحديداً بتلمس قلب ربنا جداً و صراخها بيحنن المراحم الإلهية لدرجة تقوم الاموات!! طابيثا مثال للخادم البسيط اللي مابيتكلمش كتير و دايماً حاسس انه محتاج يسمع اكتر من الخدام الموهوبين اللي كلامهم من ذهب...طابيثا كانت كل ثروتها "ابرة و خيط" بتخيط بهم القلوب الموجوعة قبل ما تكون بتخيط القماش...طابيثا صاحبة القلب الذهب كانت بتحس جداً باللي حولها و عينها علي الضعيف و المنكسر من اولادها في الخدمة زيه زي الاولاد الجذابين الحلوين ..طابيثا كانت ماشية "تخيط" الحاجات المقطوعة في نفسية مخدوماتها و عارفة ان ابرتها موجودة بس عشان "تستر" مش "تشك" و تزود الجروح.. .طابيثا مثال للخادم اللي صوت اعماله أعلي بكتير من صوت اي وعظ او كلام ممكن يتقال. ..طابيثا هي الخادمة اللي ثمار خدمتها و تعبها مش بس تغيير في اسلوب حياة مخدوميها ، لكن كمان "قيامة اموات"!! طابيثا اسم علي مسمي،"غزالة "بتتمختر كالآيائل في المرتفعات مع إلهها.. طابيثا خادمة من "ذهب"..بان قدام لمعان معدنها النبيل ،عتامة نفسي "الفالصو"... (سفر اعمال الرسل اصحاح ٩) #طابيثا #ذهب_مش_فالصو #إبرة_وخيط 
|
|
#2
23 - 11 - 2018, 12:00 PM
|
||||
|
||||
|
طابيثا خادمة من "ذهب"..بان قدام لمعان معدنها النبيل ،عتامة نفسي "الفالصو"...
(سفر اعمال الرسل اصحاح ظ©) رووووووووووعة حببتي ربنا يفرح قلبك
|
|
#3
24 - 11 - 2018, 08:13 PM
|
||||
|
||||
|
ميرسى على مرورك الغالى 
|
|
#4
25 - 11 - 2018, 08:41 AM
|
|||
|
|||
|
ايه الروعة دى ...ياااارب علمنى وادينى اتعلم اخدمك فعلا مش بخيط وابرة ..لكن بقيامة اموات ...ميرسى لولو ربنا يبارك خدمتك
|
|
#5
30 - 11 - 2018, 08:45 PM
|
||||
|
||||
|
ميرسى على مرورك الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| أين أنت يا طابيثا؟ | Mary Naeem | قسم المواضيع المسيحية المتنوعة | 0 | 20 - 07 - 2023 09:55 AM |
| طابيثا | sama smsma | صور القديسات والشهيدات | 5 | 09 - 08 - 2016 08:17 PM |
| فالصو | Mary Naeem | الصور العامة والمتنوعة | 2 | 06 - 09 - 2013 08:13 AM |
| طابيثا | Mary Naeem | شخصيات الكتاب المقدس | 0 | 27 - 06 - 2012 04:34 PM |
| طابيثا | john w | شخصيات الكتاب المقدس | 1 | 15 - 05 - 2012 06:58 PM |
العرض المتطور