|
 |
 |
 |
|
|
|
رقم المشاركة : ( 1 )
12 - 10 - 2018, 10:03 AM
|
|||||||||||
|
|||||||||||
 دخلت الكنيسه .. روحت عند الشمع .. و لاقيت ايدي بتتمد و بتمسك شمعه في حجم عُقلة صُباعي .. و فتيلتها ضعيفه جداً .. لمّا جيت اولّعها من شمعه كبيره يادوب مسكت نار ضعيفه جداً و بتترعش .. حطّيتها في الرمل و في قلبي قولتله : " يارب انا من جوّه بدوب زي الشمعه دي ، اجعل في دوباني نور ! " ملحقتش اخلص الكلمة .. لاقيت النور انطفي و طلع من الشمعه خط دخّان مستقيم عِلي اوي ثمّ اختفي .. اتغمّيت .. و عيني حرقتني من الدموع .. و فضلت باصه للشمعه اللي انطفت وقت ما كنت بصلّي ان ربنا ينوّرني زيّها ! بس فجاءه لاقيته بيلحقني .. بيلحقني بروح معرفش جاتني منين في اللحظه دي ! روح رجاء .. حركتني .. اخدت الشمعه اللي فتيلتها اختفت من النار الاولي و حطّيتها قدام نار الشمعه الكبيره و حاولت اولعها تاني .. مولعتش ! فاخدتها تاني و فضلت حطّاها قدّام نار الشمعه الكبيره بإصرار ... لحد ما لاقيتها " لقطت نار خفيفه " فحطّيتها في الرمله و قولت : " هتنوّر يارب .. و نارها هتثبت .. حتّي لو شمعه ملهاش فتيله انت يارب قادر تنورها .. مش مستحيله عليك .. هتخلّي نورها يعلي .. حتي الشمعه اللي ملهاش فتيله .. بقدرتك يارب تلقط نار ! " و فضلت واقفه متابعه النار .. لقيت رعشة النار بتهدي و بالتدريج نورها بيعلي بشكل يشدد الايمان و يجدد الرجاء .. و فضلت نارها تعلي .. تعلي .. لحد ما بقت نارها اطوّل من جسمها نفسه ! بالظبط زي ما انتو شايفين كده .. ده ربنا فوق كل عجب عجيب .. و قادر علي كل شئ .. مبيخيّبش رجاء حتّي شمعها ملهاش فتيله ! و مش بيحتاج اكتر من ان الانسان يبقي مصدّق في قلبه رغم اي حاجه انه قادر علي صُنع المستحيل .. عشان يصنعه ! رغم الظروف .. رغم الامكانيات .. رغم الكعبله في الموضوع .. رغم الابواب المقفّله و اللي تبان ملهاش مفتاح .. رغم عدد السنين اللي عدّي في جراحات .. رغم عمق الجرح اللي في قلبك .. رغم مقدار الاضطراب اللي في نفسيّتك .. رغم اي حاجه احنا كبشر نحسبها مستحيله تتحل هو مبيحتجش اكتر من قلب واثق في قدرته رغم اي حاجه هتيجي بعد كلمة " رغم " ! اه .. رغم ان الشمعه ملهاش اصلاً فتيله ربنا قادر ينوّرها و يخلّي نارها تعلي .. هو قادر يصنع عجب .. يشدد ايمان .. يجدد رجاء يخلق من اول و جديد .. يشق البحر للي يتكل عليه .. و اللي يعطش معاه في صحرا يفجّرله ميه من الصخر ! اطلبوه .. هو قريب اتعشموا فيه بقلب جامد .. هو قد اي عشم و مبيكسفش الرجاء .. ربنا عنده للموت مخارج صدّقوني .. شمعتكم اللي ملهاش فتيله .. هتنوّر .. و نارها هتثبت .. نار جديده .. بدل النار القديمه اللي هلكت فتيلتها .. نار تنوّر و تحيي .. مكان النار القديمه اللي هلكتها ! و هتعلي اوي و تبقي فوق كل شئ اكثر جداً مما نطلب او نفتكر ! 
|
|
12 - 10 - 2018, 10:13 AM
|
رقم المشاركة : ( 2 ) | ||||
|
† Admin Woman †
|
رد: شمعتك اللي ملهاش فتيله هتنور
صدّقوني ..
شمعتكم اللي ملهاش فتيله .. هتنوّر .. و نارها هتثبت .. نار جديده .. بدل النار القديمه اللي هلكت فتيلتها .. نار تنوّر و تحيي .. مكان النار القديمه اللي هلكتها ! مشاركة جميلة جدا ربنا يبارك حياتك |
||||
|
|
|
12 - 10 - 2018, 10:43 PM
|
رقم المشاركة : ( 3 ) | ||||
|
..::| الإدارة العامة |::..
|
رد: شمعتك اللي ملهاش فتيله هتنور
ميرسى على مرورك الغالى  |
||||
|
|
|
15 - 10 - 2018, 12:58 PM
|
رقم المشاركة : ( 4 ) | ||||
|
نشط جداً | الفرح المسيحى
|
رد: شمعتك اللي ملهاش فتيله هتنور
اقتباس:
شكراً للموضوع الجميل |
||||
|
|
|
16 - 10 - 2018, 10:09 PM
|
رقم المشاركة : ( 5 ) | ||||
|
..::| الإدارة العامة |::..
|
رد: شمعتك اللي ملهاش فتيله هتنور
ميرسى على مرورك الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| لسه ف فتيله جوه قلبي بتنور |
| لسه ف فتيله جوه قلبي |
| الخدمة اللي ملهاش مخدع |
| المشكلة اللى ملهاش حل ربنا مابيسملهاش انها تتحط فى طريقك |
| ساعات بنحس ان المشكلة اللي احنا فيها ملهاش حل |
العرض المتطور