15 - 05 - 2012, 08:41 AM
|
|
|
|
..::| VIP |::..
|
|
|
|
|
|
كام واحد فينا بيقول الكلمه دي 
و خصوصاً في سن الجامعه ,, لسه خارج من الثانويه العامه من سنه ولا اتنين و متعود علي نظام المذكرات و الدروس و بابا و ماما ,, و فجأه تدخل الجامعه تلاقي ناس تانيه خالص و اسلوب تاني خالص وتشوف وجوه جديده من كل حته و دكاتره منهم المحترم و منهم اللي متبقاش عايز تسمع اسمه و دي تبقي مجرد بداية احتكاكك بالعالم ,,
تبتدي لاول مره " لمعظم الناس " تتكلم مع البنات و تذاكر معاهم و تحضر معاهم محاضرات و يبقوا حوليك معظم اليوم و من غرابة الدنيا حوليك و من احساسك بالضياع او يمكن عايز شوية منظره او احساس بالرجوله و دي حاجه لا اراديه فيك ممكن تكون مش واخد بالك منها اساساً هتلاقي نفسك بتدخل في قصه حب مع اول واحده تضحكلك او تقرب منك و المشاكل تبتدي تظهر و بدل لما الدنيا تقلب وردي و الدنيا تضحكلك " زي ما بيقولوا " تلاقيها قلبت علي راسك ""
و الموضوع كبر و يا تنجرح يا تجرح يا الاتنين و تدخل في مشاكل انت مش قدها و مش لسنك
< بس ده موضوع تاني نتكلم فيه بعدين لو عاوزين > ""
و الكلام للبنات كمان مش الاولاد بس طبعاً ""
انا آسف ممكن ناس ميعجبهاش كلامي ,, صح
بس دي الحقيقه و ده سيناريو بنقابله 1000 مره في اليوم خصوصاً في اول سنه او اتنين في الجامعه .
اظن مش اول مره حد يتكلم في الموضوع ده بس انا هحاول ادخل جواك\جواكي شويه و اطلع تفاصيل ممكن انت نفسك متكنش واخد بالك منها ..
-----------------------------------------------------------------
-------------------------------------
تعالوا نفصل الموضوع شويه علشان هو كده عايم خالص ..
(1)
---- الأســـــــــــــــبــــــــــــــــاب ----
" انت ليه زعلان او مخنوق او حتي بتقول ان الدنيا صعبه و مش طايقها "
1_ يمكن لو انت شاطر و دخلت كليه من كليات القمه اللي الناس بتقول عليها و طبعا مش بتذاكر زي الثانويه العامه فـ حاسس انك مقصر ده من جهه , و من الجهه التانيه باباك و مامتك في البيت عمالين طول النهار و الليل زعيق و يابني خد بالك من مستقبلك و يابني مينفعش كده و يابني هتضيع كل اللي تعبت فيه
"" كام واحد بيسمع الاسطوانه دي "" ,, طبعا انا مش ضدهم علشان هم اكيد اكتر ناس بتخاف عليك بس هو يكمن انا ضد الاسلوب ده شويه .
2_ يمكن انت شاطر بس مدخلتش كليه من الكليات الكبيره و دخلت كليه خاصه او كليه من الكليات اللي الناس بتقول عليها تعبانه "" مع ان الواقع حوالينا بيقول غير كده و الفرص و الكليات كلها بقت متساويه هو بس فرق تقاليد و برستيج ههه "" و حاسس بالزنب انك عملت مجهود علي الفاضي ,, او حاسس بالحقد " مش الكره " من اصحابك اللي كانوا زيك بس دخلوا حاجات احسن ,, او حاسس بالكراهيه للنظام اللي خلاك في المكان ده و انه مش عادل و غلط
3_ انت شاطر و دخلت كليه حلوه بس رجعت ندمت عليها و قلت انا اخترت غلط و تبقي عايز تحول او تغير او تعمل اي حاجه تخرجك من الموقف دي و طبعاً هتلاقي معظم الناس ضدك بسبب او من غير سبب
4_يمكن انت عديت علي السريع كده علي قصة حب من اللي احنا قولنا عليها دي و طبعاً بتغير فيك حاجاه كيتير و افكار كتير جداً
--------------------------
(2)
الــــــــــلـــــوم
طيب دي الاسباب ,, لازم و ده طبيعي انك هتلقي << اللوم >> علي حد و طبعاً دول معروفين :
1_ باباك و مامتك "" للاسف "" عشان دول اللي في وش المدفع هههه .
2_و بعد كده المجتمع حواليك و نظامه الغير متحضر بالمره .
3_ او تلقي اللوم علي نفسك و تقول انك الغلط و انت السبب و انت اللي فاشل و انت و انت و يفضل تفكيرك يروح و يجي .
-------------------------
(3)
النـــــتــــــيــــجـــــــه
--->> لو القيت لومك علي " 1-2 " , " العائله - المجتمع "
هتبقي انسان متمرد و هتبتدي تخانق دبان وشك زي م الناس بتقول هههه و تبتدي شخصيتك تتهدم و تتراجع مش تتقدم و هتبقي مجرد ناقد للواقع .
--->> لو القيت اللوم علي " 3 " , " نفسك "
هتبقي مشكله كبيييييييييييييييييييره جدا و ساعتها هما تلات طرق ملهمش رابع ::
أ - تنعزل عن الناس . """ و دي مشكله """
ب - تحاول تصلح من نفسك و تعدل شخصيتك . """ و كده مبروك نجحت في امتحان الحياه """ بس ده عايز شخصيه قويه . " و هو ده الأعتدال " ..
ج - تنفتح علي الناس قوي قوي . """ و دي مشكله """
-------------
نتكلم شويه عن النعزال و الانفتاح لان الاعتدال كده خلاص مبروك عليه لكن خلينا في المشاكل .....
طـــيـــب تــــعــــالــــوا نـــشــــوف ...
<---- لو انت انعزلت --->
لو انعزلت هتلاقي الناس حواليك عمالين يقولولك مالك يابني و ايه اللي مخليك كده و مفيش حاجه تستاهل و هو انت قفل ولا ايه و الكلام اللي ولا بيودي و لا يجيب و كلنا بنسمعه بدل المره الف ..
<--- لو اتفتحت زياده عن اللازم --->
هتلاقي نفسك بتختلط بناس كتير سواء مناسبين ليك او لأ ,, ناس ممكن لو انت في مكان تاني مكنتش تحب شخصيتهم لكن خلاص بقي ده انت بقيت مفتوح علي الناس علي البحري ههههه كله علي كله و بالتدريج تلاقي نفسك اتغيرت و يجي واحد يعرفك من زمان تلاقيه بيقولك ياااااااااااااه ده انت اتغيرت قوي ليه كده بس و ترجع تزعل ..
----------------------------------
حاجه تجيب جنان مش كده بس انت لو وصلت للجزء ده من الموضوع يبقي انت حاسس بكل كلمة انا قولتها و مش مستغرب ,, بل علي العكس انت حاسس اني طلعت الي جوا قلبك و ده كويس و صدقني بيريحني انا اكتر منك كمان اني بكتبه ههههه ..
--------------------------------
(4)
الـــــــــــحـــــــــــــــل
اظن كل اللي بيقرا عايز النقطه دي انا هقول الحل من وجهه نظري و تجربتي الشخصيه .
1_ ربنا ثم ربنا ثم ربنا :: و يمكن ده احد الاسباب اللي مخلياني جاي اكتب هنا علشان انا فعلاً نفسي ارجعله و افوق من دوامة الدنيا , قرب منه و اطلب مساعدته و هتلاقيه و هتفاجأ بالتاثير ,, زي م انا متفاجأ دلوقتي , مجرد الكتابه ريحتني .
-- طيب هتقولولي اني مجبتش جديد و كل الناس بتقول كده ,, لأ لسه الجديد جاي ...
2_ الرياضه :: صدقوووووني لو انت عندك رياضه مفضله مارسها و متساهاش و تقول في وقت الفراغ و خلاص ,, الرياضه هتعدل فيك\فيكي حاجات كتير جداً أولها انها هترجعلك الثقه في النفس و صدقوني هتريح نفسيتك من جوه جداً جداً
3_ الخدمه :: انزل اي خدمه و شوف الناس و ساعتها هتلاقي الدنيا نورت قدامك خصوصاً لو خدمة اطفال و كبار علشان ساعتها يا هتشوف البراءه من الاطفال يا هتشوف الانتصارعلي المصاعب من الكبار و ساعتها هتقوووول ياه الدنيا دي ليه بخير و برضه هترتاح نفسياً .
4_ اخرج متنعزلش خد اي فرصه في الحياه انت مكن تندم علي حاجه فاتتك و ممكن تندم علي حاه عملتها فـ يا اخي\اختي اندم علي حاجه عملتها احسن اهو يبقي اسمك اخدت خبره في الحياه و علي راي المثل مره تصيب و مره تخيب ..
------->>> أخدت بالك ولا لسه
الموضوع كله حالتك النفسيه مش اكتر ,, لو زعلان هتشوف الدنيا سودا و لو مبسوط هتشوف الدنيا منوره .
وربنا ينور طريقو ديما
|
