هنشكر ربنا على ايه النهرده علشان نحس بالنعمة

[حبو اعدائكم]

كتير مش بنحس بالنعمه اللى احنا فيها و اللى ربنا بيديها لنا
كتير عيونا مش بتروح غير على اللى ناقصنا
اعتقد علشان كتير بننسى نشكر على حاجات احنا فاكرينها عاديه
لكن لما نشوفها ناقصه عند حد تانى بنحس ساعتها ان احنا فى نعمه

فكرت اعمل الموضوع ده علشان كلنا نبداء نشكر ربنا على عطاياه
كل يوم نشكره على حاجه جديده..

و يمكن مع بعض نفتح عيون بعض على حاجات نشكر ربنا عليها احنا مش واخدين بالنا منها

[ياللا عايزه الكل يخش و يشكر ربنا على حاجه..
[علشان كلنا نحس بالنعمه و محبه الرب لينا

[حبو اعدائكم]

افتكرت قريب ليا كان يعانى من الاورام فى الرئه
و قال لى اشكرى ربنا على النفس اللى خارج و داخل بدون الم--

اشكرك يا رب على النفس اللى بناخده يا رب بدون الم--
و احنا مش دريانين ان النفس ده فيه غيرنا بيتعذب و هو بياخده و ميقدرش ميخدوش--

اشكرك يا رب

[Ramez5]

نشكرك يا رب دايماً

[Mary Naeem]

نشكرك يا رب الستر
شكرا يا دودو

[حبو اعدائكم]

نشكرك يا رب على عيونا الى بنشوف بيها
في ناس كتير فأقده البصر و الدنيا بالنسبة لهم سواد
فيه ناس فقدت بصرها لمرض او حادث
اعن يا رب الكل
و نشكرك على النعمه الكبيره دى الى كتير مش مدركينها و بننسى نشكرك عليها

[حبو اعدائكم]

نشكرك يا رب على عيوننا الى بنشوف بيها
فعلا مش بنحس بالنعمه دى غير لما نشوف حد محروم منها--
مش متخيله الحياه كانت هتبقى عامله ازاى !!
ضلمه فى ضلمه -- حرمان من كل المناظر الخلابه و الرائعه --
شىء فعلا صعب جدا -- مش قادرا اتخيله
اشكرك يا رب-- و اصلى لكل انسان فاقد البصر مولود اعما كان او فقده لاى سبب) ان ربنا يمد يده له بجرعه حنان زياده يملائه سلام-- يرفعه فوق المه-- و ينور له روحه الى يغنيه عن نور العالم ...
اشكرك يا رب

[sama smsma]

نشكر ربنا على كل يوم جديد
لانه فرصة جديدة للتوبة والتأمل فى بركات ربنا لينا كل يوم

[sama smsma]

نشكر ربنا على محبته لينا الغير محدودة والغير مشروطة

محبة تفوق كل العقول

[sama smsma]

نشكر ربنا على احتماله لخطايانا وطول اناته علينا وكل لمسه منه لقلبنا لما يغيره للاحسن

[sama smsma]

نشكر ربنا على كل سندة لما بيحمل معانا كل ألم وتعب