| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
20 - 08 - 2018, 07:40 AM
|
||||
|
||||
 من اكتر الأسئلة الصعبة اللي كنت دائما ببحث ليها عن إجابة مقنعة هو سؤال " ما الذي يجعل أحدهم صديقك المقرب ؟!" What could make someone your best friend كنت بلاقي إجابات كتير زي أنه يساعدك بدون مقابل يقف معاك في الشدائد و الأزمات يكون بيحب لك الخير و يحرص على مصلحتك. و كل الاجابات دي رائعة .. بس في إجابة كانت من صديق امريكي ليا من سنتين و فضلت معلقة معايا جدا .. قال لي كدا نصا "You will be my best friend when I could get naked in front of You" الترجمة الحرفية للجملة دي إنك هتكون صديقي المقرب لما أقدر أكون عريان قدامك طبعا انا سمعت الجملة دي من هنا و قلت استغفر الله العظيم من كل ذنب عظيم .. هم دول الامريكان .. عايزنا نقلع !! بعدين تاني يوم سألته .. انت ليه شايف أننا نقلع هدومنا قدام بعض مرتبط أننا نكون أصدقاء مقربين ؟! طبعا الولد قعد يضحك كتير عليا لأنه كان يقصد حاجة تانية خالص .. و دا اختلاف الثقافات و بعدين شرح لي !! قال لي انت ممكن تلاقي ناس كتير تساعدك و تحبك و تقف جنبك .. بس قليل جدا إنك تلاقي حد تقدر تتكلم و تحكي معاه نقاط ضعفك و اخطاءك و مصائبك و كوارثك و تكون متأكد أنه مش هيحكم عليك و مش هيشوفك شخص وحش بل بالعكس هيمد لك أيده و يقف جنبك ويساعدك علشان تكون احسن و تخرج من اللي انت فيه .. دول فعلا الناس اللي بنتجرد أمامهم بدون اي احتمال لسوء ظن منهم .. دول الناس اللي بنقلع قدامهم كل المكياج اللي بنعمله قدام الناس علشان نظهر أننا حلوين جدا و مفيش مننا اتنين على الأرض. لو حكيت لك أسوء مواقف مريت بيها و ابشع أخطاء ارتكبتها و فضلت برضو بتحبني و عايز تساعدني أني أكون أحسن و عندك استعداد تقف جنبي بدون أي نظرة احتكار أو تقليل .. ساعتها ممكن تكون صديقي المقرب. الكلام دا من سنتين .. لما دورت على الناس دي في في حياتي ملقتش غير شخص واحد و الحمد لله دلوقتي أصبحوا شخصين .. غير كدا باقي الناس انا مقدرش اتكلم معاهم عن أي انكسار أو تغير بمر بيه لأني مش عندي الثقة الكافية في رد فعلهم و ازاي ممكن يحكموا عليا و ازاي ممكن علاقتنا تكمل و ازاي ممكن تكون نظرتنا للبعض. الشاهد من القصة لو لقيت حد تتجرد قدامه و متأكد أنه هيفضل يحبك بعد ما يشوفك في أسوء حالاتك .. حافظ عليه لأنه دا كنز و دا فعلا صديقك المقرب ملحوظة: هذا المنشور لا يحرض على العري و لا التعري بأي وجه من الأوجه و أن كل الألفاظ المستخدمة هي ألفاظ على وجه المجاز و الكناية 
|
|
#2
20 - 08 - 2018, 08:24 AM
|
||||
|
||||
|
موضوع جميل
ربنا يبارك تعبك رينا
|
|
#3
21 - 08 - 2018, 07:13 AM
|
||||
|
||||
|
ميرسى لمرورك الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| الذي يجعل الصمغ العربي مميزاً يدعم صحة الكبد | Mary Naeem | فوائد غذائية | 0 | 20 - 10 - 2022 01:40 PM |
| إن الذي لا يقيمك لا يمكن أن يكون صديقك! | Mary Naeem | موسوعة توبيكات مميزة | 2 | 18 - 08 - 2020 01:26 PM |
| انا صديقك الذي يحبّكِ كما أنتِ | sama smsma | موسوعة توبيكات مميزة | 4 | 14 - 02 - 2019 12:38 PM |
| صديقك الحقيقي هو الذي يقف أمامك | Mary Naeem | موسوعة توبيكات مميزة | 2 | 08 - 12 - 2017 03:31 PM |
| احذر صديقك الذى يقف خلفك | nasser | فضفضة شبابية بلا حدود | 3 | 01 - 03 - 2014 07:27 AM |
العرض المتطور