ماذا قال والد المتهم في مذبحة أطفال المريوطية

[Mary Naeem]

ماذا قال والد المتهم في مذبحة أطفال المريوطية



قال إبراهيم، والد المتهم في واقعة "مقتل أطفال المريوطية"، إن نجله محمد (28 سنة)، تخرج من معهد السياحة والفنادق، لكنه لم يفضل العمل في مجال السياحة، وعمل على "توك توك" لفترة، ثم تركه.
وأضاف الرجل الخمسيني، لـ"الوطن"، أن نجله تخرج منذ 8 سنوات ووقتها تعرف على سها (39 سنة)، زوجته الحالية، "بس ماكناش نعرف، كان لما يغيب يقول إنه قاعد عند صاحبه، ولما قربت تولد كان بيجي يبات في بيتنا في العمرانية".
وتابع: "فوجئت باتصال من محمد ابني بيقولي بصراحة يا بابا أنا اتجوزت من سنة فاتت ومراتي بتولد النهارده في مستشفى السلام، ومحتاجك معايا، وأنا كأب مش هعرف اتأخر عنه، ولما شوفتها في المستشفى حسيت بقبضة، كأني ادبحت، لأننا مش وش بهدلة، ولا كنت أتمنى ابني يتجوز واحدة زيها، أنا كنت بربيه هو وأخوه عشان أشوفه أحسن واحد في الدنيا، مش عشان يتجوز واحدة زي دي شغالة في فنادق وإحنا أصلا مش بنحبها".
وسرد والد المتهم تفاصيل ما حدث يوم الواقعة: "محمد كان عندي في البيت لما عرفنا إن العيال اترموا في المريوطية، كان متخانق مع مراته، وهي كلمته وصعبت عليه وراحلها، وبعدين عرفت إنه اتقبض عليه، وروحتله القسم قلتله ليه يا محمد تعمل فينا كده أنا وأمك وأخوك؟ قالي حقك عليا يا بابا".
وأكد أن كل ما يهمه الآن هو حفيدته "نيلي"، كونها شاهدت الواقعة واقتيدت لقسم الشرطة، وتعرضت لأزمة نفسية وتحتاج لتأهيل نفسي حتى تجتاز هذه المحنة.
كانت وزارة الداخلية أصدرت صباح الأحد بيانا كشفت فيه القبض على جميع المتهمين في واقعة "أطفال المريوطية"، وهم أم الضحايا وصديقتها وزوجها.
هذا الخبر منقول من : الوطن