راجعوا نفسكوا

walaa farouk · رقم المشاركة : ( 1 ) 18 - 06 - 2018, 11:36 PM

لكل خدمه بتخدم الفقراء والمعدمين..ارجوكوا اسمعوني
لما تروح تخدم قريه
ارجوكوا البسوا لبس عادي بلاش اوفر
بلاش لبس دهب و سلاسل وخواتم وساعات
بلاش اول ماتخشوا بيت معدم تقولوا ( ايه ده معندكوش سقف ولا حتي شباك يطلع منه هوا )

ماحضراتكوا مش جايين تخدموا في أمريكا بلاش الاسئله الساذجة اللي بتتقال بصوت

اكنكوا بيتكلموا اطفال( هاه بتصلوا بليل بقي ) علي فكره الفقير صراخه بيوصل اسرع مننا
بلاش تحاسسوهم انهم من كوكب تاني
بلاش تعشموهم اوي هانعملكوا حمام وسقف و مايه ووووو........ و تعشموهم وتمشوا ...
بلاش علشان تديهم فلوس ولا سلعه جوه البيت وتفضل حضرتك ماسكها في ايدك وعمال توعظه

اديله اللي انت جاي عشانه
بلاش تمسك بعدها خدام الكنيسه وتحاسسهم انك بقي عرفت اللي مش عارفين يعملوه علشان حضرتك بتحاسسنا ان عامل زي السائح الأجنبي اللي اول مره يقف علي عربيه فول في الشارع فرحان.، حضرتك بتسيب شركتك ومصنعك مشكورا وبتيجي تخدم يوم وتمشيي لكن الخدام دي شايله هم كبير ومن ضمن الهم خدمتك وانك بتعشم الناس بسراير ومايه وسقف وفي اخر النهار تمشيي ولما بقي تفتكرنا تبقي تعملهم ده لو عملتهم
و ياريت ماتتصورش وانت بتأكل غلبان ولا واقف في بيت مافيهوش سقف والناس تكتبلك ( الله يباركلك ) او حد يقولك ( اخص عليكوا ماخدتونيش معاكوا ليه) مش متحف احنا
انا جوايا كتير من الموضوع ده...خير وبركه انك سايب شغلك ونزلت تخدم يوم بس اخدم صح الناس مش ناقصه احساس بالزل
وانت كخادم جوه كنيستك عامل الفقرا حلو ..كيس رز زياده مش مشكله ماتقولهاش انتي( حراميه)
الناس لو لقوا حضن وقلتلهم معاييش فلوس عن خبره هاتلاقي الفقراء دول جايبلك من اعوازهم
ممكن ناس تعترض عليا كالعاده بس ارجوكوا #راجعوا_نفسكوا

Mary Naeem · 19 - 06 - 2018, 08:53 AM

الناس لو لقوا حضن وقلتلهم معاييش فلوس عن خبره هاتلاقي الفقراء دول جايبلك من اعوازهم
ممكن ناس تعترض عليا كالعاده بس ارجوكوا #راجعوا_نفسكوا

موضوع مميز
ربنا يباركك

walaa farouk · 19 - 06 - 2018, 05:37 PM

ميرسى على مرورك الغالى راجعوا نفسكوا