تهنئة خاصة لطلاب الثانوية العامة ولكل الناجحين
ألف مليون مبروك النجاح
بعد التعب والسهر والكفاح
ويارب دايماً كدة من نجاح لنجاح
وربنا يملأ حياتكم بالسعادة والأفراح
صبرتوا ونلتوا
بعد ما ذاكرتوا
وكمان تعبتوا
وأيام كتيرة ما نمتوا
وأخيراً وصلتوا
لأجمل لحظة بيها حلمتوا
وهى نجاحكوا وتفوقوا
حققتوا خلاص كل أمانيكوا
وفرحتوا كل أصحابكوا وأهاليكوا
بعد ما عملتوا إللى عليكوا
إجتهدوا وربنا وقف جنبيكوا
ياسعدكم يا هناكم
وانتوا الزغاريط مالية بيوتكم
والسعادة مرافقاكم
وأكيد ده باين فى عيونكم
ربنا يكون معاكم
ويرسم هو مستقبلكم
إللى كنتوا بتحلموا بيه
من يوم ما أتولدوا لحد ما كبرتم
مفيش خلاص لاقلق ولا أكتئاب
ولا تفكير أو تركيز فى الكتاب
وحد يجى يخبط عالباب
يقولنا ذاكروا ويزود علينا العذاب
دلوقتى وقت السهر واللعب مع الأحباب
مش هنشغل بالنا بعربى أو تاريخ او حساب
يالا بينا نودع الثانوية
ونستعد لدخول الكلية
كل واحد على حسب الرغبة أو الأمنية
طب أو صيدلة أو هندسة
أو حتى خدمة إجتماعية
ونبتدى أخر خطوة فى حياتنا العملية
عشان نتفرغ لحياتنا العملية
ونتجوز ونخلف ويبقى لينا ذرية
وبكدة تكون خلصت القضية
وساعتها هنبقى أصحاب مسئولية
وتتكرر القصة مع ولادنا مرة تانية
ونكون قضينا رسالتنا فى الدنيا ديا
ليكوا منى أجمل وأرق التهانى القلبية
وياريت نشكر ربنا وأهالينا
على ووقوفهم جنبينا
وتعبهم وتشجيعهم لينا
فى أصعب أيامنا وليالينا
بقلم / الشاعرة القبطية
كرستين ميلاد
