كل الأطفال بتتخانق مع بعض ..

[Rena Jesus]

كل الأطفال بتتخانق مع بعض .. وطبيعي نلاقي اتنين بيتخانقوا علي نفس اللعبة ..
لكن عارفين ايه المشكلة ؟

المشكلة لما الأم تطلب من صاحب اللعبة يتنازل عنها للطفل الثاني
والمشكلة الأكبر إذا قالت له خليك أحسن منه وسيبله لعبتك ..

طب ليه مشكلة ؟؟

لأن واحد من الإتنين هيكبر وهو شايف ان التنازل عن حقه شيء طبيعي وواجب لإرضاء الآخرين ..
والتاني هيكبر وهو متعود أن رغباته تكون مجابة حتى ولو كان فيها تعدّي على الآخرين بالصراخ والخناق ..

الطفل من حقه ما يرضاش ان حد يلعب بألعابه وإذا هنعلمه حاجه يبقي لازم نعلمه إنه من حقه يقبل أو يرفض ان حد يشاركه ف ألعابه ونوضح له نتائج السلوك ده
زي ان احنا نقوله : " براحتك اذا مش عاوز تخلي حد يلعب معاك لكن ممكن تكون مبسوط اكتر لما تلعبوا مع بعض "
كده هنكون علمناه ازاي ياخد قرار بنفسه وكمان علمناه معني المشاركة ..

الطفل التاني نفهمه أنه مش هيقدر ياخذ كل حاجه بالصوت العالي والصراخ ولازم يتعلم يسأل ويطلب بأدب

المشكلة إن إحنا عشان نخلص من صراخ و زن الطفل التاني بنيجي علي الطرف الضعيف ونطلب منه يتنازل عن حقوقه



النتيجة بتكون:
اجيال بتتساهل ف حقوقها وبترضي بالظلم وتسكت علي الغلط
وأجيال تانيه متسلطه وعنيفه وشايفين ان من حقهم ياخدوا أي حاجه بالهجوم والصراخ أو حتي بالضرب

[Mary Naeem]

النتيجة بتكون:
اجيال بتتساهل ف حقوقها وبترضي بالظلم وتسكت علي الغلط
وأجيال تانيه متسلطه وعنيفه وشايفين ان من حقهم ياخدوا أي حاجه بالهجوم والصراخ أو حتي بالضرب

صح يا قمر
ربنا يباركك حببتي

[walaa farouk]

موضوع جميل ومهم
ربنا يفرح قلبك

[Rena Jesus]

ميرسى لمروركم الغالى