تاملات فى صلوات السجدة

walaa farouk · رقم المشاركة : ( 1 ) 26 - 05 - 2018, 08:57 PM

.

.
فيها حبة تسابيح و٣ سجدات..
السجدة الاولى

مكانها بره فى الخورس الاول ...
بتفكرنا بالصليب اللى كان خارج المحلة ...
بتفكرنا بعمل المسيح مع كل واحد فينا على المستوى الشخصى ..وبيتقرى فيها انجيل يوحنا ١٧ صلاة المسيح الشفاعية قبل الصليب ...اللى بيطلب فيها اننا نبقى واحد فيه وبيقولها اكتر من ٣ مرات ( طلب من أجل الوحدة )

والسجدة التانية ...بتتعمل برضه فى الخورس الاول .

..بتفكرنا بمقابلة المسيح معاهم بعد القيامة فى العلية اللى كانت خارج أطراف المدينة ...
وبيتقرى فيها انجيل لوقا ٢٤
لما المسيح جه وسطهم وطمنهم واكل معاهم وفتح ذهنهم ليفهموا الكتب

وقالهم يفضلوا كده واحد ومتجمعين لغاية ما يحل الروح ...(تحقيق الوحدة )

أما السجده التالتة بتتعمل جوه فى الخورس التانى وبتتفتح الستارة ..

.عشان تقولنا أنه المسيح دخل إلى الأقداس وكل حاجز بينا وبين الله اتهدم ...
واننا لينا حق بالدخول اللى الأقداس ونعبد الله ونسجد بالروح وبيتقرى انجيل السامرية ...
وهو ده التغيير اللى بيبان على كل نفس فينا ...وبنقدر نغير الدنيا كلها (نتيجة الوحدة )
يعنى ببساطة كده ...
لما كل واحد على المستوى الشخصى يعرف قيمة عمل المسيح ودمه المسفوك على الصليب

ويستجيب لمشيئة المسيح اننا نتوحد ...

يقدر يحقق مطلب المسيح و يتجمع مع اخواته اللى شبهه اللى مقدرين عمل المسيح برضه وقيمه دمه وصليبه...
وساعتها يقدروا يعبدوا سوا الله بالروح ويقدروا يدخلوا الى الأقداس مع بعض وتكون عبادتهم مقبولة ...ويغيروا العالم وهى دى نتيجة الوحدانية "ليؤمنوا انك ارسلتنى "
شرط العبادة انك تعرف قيمة عمل المسيح فى حياتك ...وتفضل قاعد وسط اخواتك فى شركة ...
وهو ده الصليب الخشبة الراسيه علاقة شخصية كل واحد لوحده مع ربنا ...
والخشبة الأفقية ...
علاقة الأخوة مع بعض فى شركة مقدسة ...
وساعتها نقدر نصنع تغيير بعبادتنا للعالم كله ...
طقس السجدة بيقولنا ليه مش بتعرف نغير الناس ...
عشان ملناش علاقة شخصية بربنا وعشان ملناش علاقة نقية باخواتنا ...
عشان كده العبادة ناقصة وغير مغيرة للناس ...
حياة الشركة والوحدانية مهمة لتغيير الناس وهو ده ملخص السجدة ...
وهو ده اشتياق الروح بداخلنا
تغيير شخصى ... وحدانية ....تغيير الناس
كل سنة وانتم فى ملء الروح القدس

Mary Naeem · 27 - 05 - 2018, 03:05 PM

تغيير شخصى ... وحدانية ....تغيير الناس
كل سنة وانتم فى ملء الروح القدس
ربنا يباركك

walaa farouk · 27 - 05 - 2018, 06:54 PM

ميرسى على مرورك الغالى تاملات فى صلوات السجدة