حوار بين اكليل الشوك والمسمار

[walaa farouk]

المسمار : انت مين
اكليل الشوك : انت اللى مين انت اكيد المسمار اللى اتدق فى ايدين يسوع البار
المسمار: أفتكرتك انت اكليل الشوك اللى انغرز فى جبين ملك الملوك
إكليل الشوك: اه وتعرف ايه عنى تانى وايه اللى قالوه الناس عليا اكيد قالوا انى قاسى وانى بحب الازية اسمحلى أدافع عن نفسى وبلاش تسئ الظن بيا وياريت تصبر عليا هااقولك أصل الحكاية من ساعة ماكنت شوكة وانت تحكم فى النهاية
المسمار: هاتقول ايه بعد اللى عملته هو لسه فى كلام انت خليت المسيح يصرخ من الآلام
إكليل الشوك : فى يوم شالنى واحد من الجنود ودانى مكان الصلبوت مكنتش عارف ايه اللى هايحصل لكن فجأة سمعت صوت يسوع ملك اليهود لازم يصلب ويموت فجأة شالنى الجندى تانى ولما قرب من الجبين صرخت صرخة وقلت لا لكن صوتى كان حزين ليه اختارونى انا وايه كان ذنب المسكين لكن ضربنى الجندى بقسوة وصرخت وقلت كفاية لما سمعت العدرا بتصرخ ابعد الشوك عن ضنايا هو ده كل اللى عندى وهى دى نهاية الحكاية
لكن على فكرة يامسمار اوعى تكون نسيت اللى فات انا يمكن جرحته مرة لكن انت جرحته تلات مرات اتنين فى ايديه وواحد فى رجليه وياما سمعت صراخ واهات
المسمار: انا يمكن أكون قسيت عليه لكن غصب عنى ياشوك لكن انت كنت عارف من ساعة ماضفروك انك ها تبقى تاج الشوك على رأس ملك الملوك
إكليل الشوك: بس بردو انت خاين وياما خنت العشرة معاه نسيت نسيت لما كان نجار وانت كنت بتشتغل وياه
المسمار: انا مش ناسى بس ادينى فرصة أوضح الحكاية من اول دقة مسمار وانت تحكم فى النهاية كانت زحمة كتير حواليا والناس واقفة طوابير وشوفت حبال وصليب على الأرض ومعايا كتير من المسامير لكن كنا مش عارفين ايه اللى راح يحصل ويصير سألت ايه الحكاية لكن ملقتش تفسير وفجأة شالنى الجندى وجنب ايدين يسوع رمانى شوفت ايديه قدامى قولت يا ترى مين الجانى لما سمعته بيقول للجندى سمرنى انا فاتح أحضاني قلت لا حاسب استنى مش ممكن ده يكون الجانى دق الجندى كتير على رأسى قلت لا لا كفاية أما سمعت العدرا بتصرخ ابعد إيدك عن ضنايا هو ده كل اللى عندى وهى دى نهاية الحكاية

[Mary Naeem]

الجندى كتير على رأسى قلت لا لا كفاية أما سمعت العدرا بتصرخ ابعد إيدك عن ضنايا هو ده كل اللى عندى وهى دى نهاية الحكاية
حوار بين اكليل الشوك والمسمار