ناس وناس
فى ناس بتشوفها مره وتعيش جواك سنين
وناس فى كل مره تشوفها تقول دى مين
وناس تاخد حاجات وناس بتسيب حاجات
وناس ويا الساعات بتروح وتسيب حنين
وناس عشرتها مر وياها تعيش حزين
وناس الدنيا مره من غيرها ولو يومين
وناس عشان حاجات ممكن تبيع حاجات
وناس عشان ساعات ممكن تبيع سنين
فى عيون تشبه عنينا صافيين وقريبين
وعيون تشبه مدينه مفيهاش ناس طيبين
وعيون حزن وسكون وعيون حضن وبيوت
وعيون تقدر تفوت جواك فى ثانيتين
