|
 |
 |
 |
|
|
|
رقم المشاركة : ( 1 )
07 - 03 - 2018, 10:13 PM
|
|||||||||||
|
|||||||||||
 كنت في مشوار ..وركبت المترو علشان اروح.. مروح في اجمل ميعاد في الحياة.. الميعاد الي يتمناه اي كائن حي انه يروح فيه! الساعة ٢ الظهر يعني ميعاد خروج مدارس،موظفين،جامعات. المهم المترو كان كتلة واحدة ...كنا شبه الكيكة وعواميد المترو كانت بتمثل الشمع...منظر رومانسي جداا.. ركبت واحدة ست كبيرة ومعاها بنت في سن الشباب.. طبعا المترو زحمة جداا وهما كانوا واقفين في نص المترو.. كانوا بيحاولوا بكل جهدهم انهم يجوا علي اي جنب في المترو! كانوا واقفين قدامي ...وكان فيه واحد طوله حوالي ١٨٥ سم واقف جنبيهم بالظبط..انتوا متخيلين واحد بالطول ده جنب اتنين طولهم لا يتعدي ١٥٥!! انتوا متخيلين المنظر ..عامل زي العلاقة بين برج القاهرة والبيوت الي حواليه!! طبعا الراجل شكله متعصب ومتنرفز وعمال كل شوية يتحرك كتير وكل شوية يخبط البنت في دماغها !! كل ده فعلا كان قدامي قولت انا لازم اتكلم,, ''لو سمحت كوعك ده عمال يخبط فيهم خد بالك'' الراجل بكل بجاحة قالي : ''هو يعني حد قالهم يركبوا عربية الرجالة'' طلع واحد ابن ناس وقال :تعالوا اقفوا هنا مكاني والموضوع خلص؟؟ بس الموضوع الحقيقة لسة لم ينتهي بعد!! لانه بيتكرر كل يوم!! كلمة (هو حد قالهم يركبوا عربية الرجالة)بيتكرر كل يوم.. انا شخصيا كنت بقولها...اه وبعترف بكدة !! بس في لحظة فكرت ؟؟ لو نفترض ان الست الكبيرة دي عندها ميعاد دكتور ومتاخرة وطلعت جري علي المترو وطلع حظها عربية الرجالة! علشان تلحق ميعادها.. او واحدة متاخرة علي ابنها وهو في المدرسة ..وبرضو جريت علي المترو وطلع حظها عربية الرجالة! او نفترض ان معظم البنات بتخاف تركب عربية السيدات ودي حقيقة مش افتراض ..وبتطمن ان فيه رجاله هتدافع عنها لو حصلها حاجة! بلاش التطفيش وانه محدش قالك تركبي عربية الرجالة!! صدقني اسمك مش مكتوب علي كرسي مثلا..او محفور علي الزجاج مثلا؟؟ بكل بساطة (كما تدين تدان) يعني بكرة والدتك واختك وبنتك .. هيكونوا في نفس الموقف! ساعتها بقا حضرتك موقفك هيكون ايه؟؟ اقولك انا هيكون ايه...! هتشتم وتتعصب وهتضايق..صدقني هتضايق 
|
|
08 - 03 - 2018, 09:25 AM
|
رقم المشاركة : ( 2 ) | ||||
|
† Admin Woman †
|
رد: خلى عندك اخلاق
بكل بساطة (كما تدين تدان)
يعني بكرة والدتك واختك وبنتك .. هيكونوا في نفس الموقف! صح يا قمر ربنا يباركك حببتي |
||||
|
|
|
08 - 03 - 2018, 09:10 PM
|
رقم المشاركة : ( 3 ) | ||||
|
..::| الإدارة العامة |::..
|
رد: خلى عندك اخلاق
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اخلاق رد الفعل |
| اخلاق ملك |
| اخلاق الاضواء و اخلاق الخفاء |
| النهايات اخلاق |
| دي اخلاق الاخوان |
العرض المتطور