|
 |
 |
 |
|
|
|
رقم المشاركة : ( 1 )
02 - 03 - 2018, 07:55 PM
|
|||||||||||
|
|||||||||||
|
3 صور ل 3 شخصيات هم خير مثال و قدوة لعدد كبير قوى من الناس .. كل واحد منهم ليه مجال مختلف عن التانى .. منهم الطبيب و الممثل و المهندس وكل واحد منهم مبدع فى مجاله بل وان صح التعبير كل واحد منهم ( عبقرى ) فى مجاله ... بس مش دى الصفة المشتركه الوحيدة اللى بينهم .. الناس دى يجمع مابينهم ايضا التواضع .. الوجه البشوش الى بيوزع محبه و تفاؤل اينما وجد .. مثال للكفاح و النحت فى الصخر زى مابيقولوا .. من اهم بقى الصفات المشتركه بينهم - من وجهة نظرى- ان مفيش واحد من ال 3 يحتل اى رتبة دينية ولا واقف على منبر بيوعظ فى الناس ولكن الغريب ان بدون مايوعظوا او يكون ليهم اى دور داخل الكنيسة الا انهم فعلا صورة الله و مثاله .. قبل ماتفكر توعظ وتكلم الناس عن ربنا و صفاته الجميلة لازم تكون انت مثال حى للصفات دى .. ماجد الكدوانى فى حفل توزيع جوائز السينما العربية مطلعش يدينا وعظة بعنوان مشيئة الله فى حياتك ولكن كل واحد فينا اتعلم منه ازاى اسلم لربنا حياتى هو يرسمهالى ...تستشيره فى كل خطوة بتقوم بيها وتلمس دوره فى حياتك بجد ..  دكتور مينا ميشيل و اغلبنا عرف قصته انه مهندس معمارى متفوق حاصل على الماجيسير والدكتوراه من المانيا ووبيدرس فى جامعة المنصورة الا انه ( كفيف ) .. الحقيقة هو مطلعش مع منى الشازلى عشان يدى ندوة عن الشكر مثلا او اتكلم عن القواعد ال 20 للنجاح .. بس مفيش واحد شافه و متعلمش قد ايه ربنا بيعوض ولما بيقفل باب بيفتح باب اعظم وان فعلا ( الله لم يعطينا روح الفشل بل روح القوة والمحبة والنصح ) يكفى بس انك تتطلب منه وتجتهد شويه..  اما بقى دكتور مجدى فهو مثال للقديسين المعاصرين فى حياتنا .. هو فعلا قديس .. ايد ربنا اللى من خلاله بتشفى الاف الاطفال و بتحيى قلوب امهات واباء كانت هتموت من الحزن على اولادها .. اللى بيشوفه فى اى برنامج عارف انه بيتكلم قليل جدااا .. بس بدون ماينطق بكلمة كان مثال وصورة لله المحب المعتنى بينا زى ما قال ( عينى عليك من اول السنة الى اخرها ) ...  ياريت بدل مانحفظ كلام عشان نوعظ الناس بيه .. نكون احنا مثال حى للكلام ده وعاملين بيه فى حياتنا ووقتها مش هنحتاج للوعظ والكلام صدقونى.. 
|
|
03 - 03 - 2018, 11:58 AM
|
رقم المشاركة : ( 2 ) | ||||
|
† Admin Woman †
|
رد: خلق الانسان على صورته و مثاله
ياريت بدل مانحفظ كلام عشان نوعظ الناس بيه .. نكون احنا مثال حى للكلام ده وعاملين بيه فى حياتنا ووقتها مش هنحتاج للوعظ والكلام صدقونى.. صح يا قمر ربنا يباركك حببتي |
||||
|
|
|
03 - 03 - 2018, 09:42 PM
|
رقم المشاركة : ( 3 ) | ||||
|
..::| الإدارة العامة |::..
|
رد: خلق الانسان على صورته و مثاله
ميرسى على مرورك الغالى مرمر  |
||||
|
|
 |
|
العرض المتطور