زوادة اليوم: الدعوة للذهاب الى الكنيسة
في جملة حلوة كتير: “إذا كنت ﻻ تذهب الى الكنيسة ﻻنها مليئة بالمرائين ،تذكّر ان الكنيسة هي مستشفى خَطأة وليست مَعرضَ قديسين !.. “
شو قوية و شو بتعبر عن حقيقة عم نعيشها بكنايسنا و رعايانا. بيجي حدا بيقلك انا ما بروح عالكنيسة الأبونا ما بحبو، او وكيل الوقف عم يستغل الكنيسة، او ما بدي اتلاقى بفلان ما بحكي معو، او اللي بيخدمو بالكنيسة ضدنا بالإنتخابات… لازم يكون عنا وعي نرجع للأول و نفكر عن جديد، انا ليش بروح عالكنيسة؟ الجواب هوي تا التقي بيسوع و ما بيهمني مين ما كان موجود ،ما لازم كون شايف غير ابن الله! يسوع عازمك عا وليمة الحمل معقول ما تجي لأنو في حدا معزوم ما بتتفق معو! و لو يسوع اللي مات تا يخلصك ما بتضحي كرمالو بشوفة ناس مش حابب تلتقي فيا!؟ عنجد عيب نحنا كمسيحيين منقول انو منآمن نتصرف هيك! يسوع قلنا انو منو جايي كرمال الأبرار هوي جايي يخلص الخاطيين. اذا نسينا كل هالشي اصلا مين نحنا تا نقرر مين خاطي و مين لأ؟ منبلش من حالنا بيمرق شي يوم ما منخطي؟ ما تخلو الحكم عالناس و الحقد يعميكن. اليوم دعوتنا الكن تروحو عالقداس تلتقو بيسوع و بس نقطة عالسطر! الله معكن
06 - 02 - 2018, 03:34 AM
رد: زوادة اليوم : دعوة للذهاب الى الكنيسة
العرض المتطور