|
 |
 |
 |
|
|
|
رقم المشاركة : ( 1 )
25 - 01 - 2018, 08:31 AM
|
|||||||||||
|
|||||||||||
 المشكلة غريبة جدا وهتفضل من غير حل ... !! في الأول هو بيقوم بدور البلياتشو ويعرف يضحكها ولو واقع في قلب بركان مشاكل والدموع بيعرف يخبيها ويسكت وميتكلمش ولاحتي بيقول نفسه في ايه .... وفي الأول هي بتنسي الكون وتمثل دور الملكة المتوجة علي عرش الحب ... وتحلم وتسرح في الحلم .. وتنسي كل حاجة حواليها وتهرب من الواقع بكل مشاكله لحد ما تغرق في حضن الحب .... في البدايات بنغمض عنينا ونمد ايدينا زي فاقد البصر اللي مش شايف طريقه فين .... ونتصدم بالواقع لما كل حيل هروبنا منه بتخلص .... ومن حضن الحب والخيال لحضن قاسي غرقان بالحقايق ..... والأدوار تتحول من مسلسل كوميدي لمسلسل درامي بايخ ...... وكل واحد يسأل نفسه انا ازاي مكنتش شايف العيوب دي ...... ببساطة حيل البلياتشو خلصت وفاق وبدأ يحس باحتياجه لإهتمام وحد يسمعه ويسنده في مشاكله فبيتكلم مرة واحدة ويطلع اللي جواه ليها ... وهي تحس مرة واحده انها اتحولت من ملكة كل حاجة بتتحققلها لأم وأخت وصاحبة وحاجات كتير .. بمعني تاني بتحس أن في حمل زاد عليها جنب الحاجات الكتير اللي كانت ركنتها علي جنب وقت البدايات .... ويبتدي كل واحد فيهم يتهم التاني أنه مش حاسس ..... ويبتدي الوهم يخليهم يصدقوا انهم متمسكين ببعض علشان خايفين علي بعض .... وفي الأخر تيجي النهاية الحزينه سواء بظهور طرف تالت أو شك أو عصبية زايدة أو حاجات كتير سببها أننا متكلمناش وواجهنا وقت ما حسينا ان في حاجة غلط دخلت ما بينا ..!! والنهاية تبقي مؤسفة ..... والحكايات تتكرر ....... الناس بتتقابل وتتفرق مهما كانت قوة او ضعف العلاقات ما بينهم لكن المواقف بس هي اللي بتبقي وبتفضل وأثرها كمان بيفضل .... أقتلوا الخوف وأحسنوا المعاملة واتكلموا وواجهوا احسن ما تهربوا من المواجهة ... اطلبوا بقلب جامد وصارحوا بقلب جامد علي الأقل لو وصلت للفراق يكون بإحترام علشان لما واحد فيكم يفتكر التاني يفتكره بإبتسامة ودعوة ..!! 
|
|
25 - 01 - 2018, 09:54 AM
|
رقم المشاركة : ( 2 ) | ||||
|
..::| الإدارة العامة |::..
|
رد: النهاية بتبقي مؤسفة .. والحكايات بتتكرر ...
اطلبوا بقلب جامد وصارحوا بقلب جامد علي الأقل لو وصلت للفراق يكون بإحترام علشان لما واحد فيكم يفتكر التاني يفتكره بإبتسامة ودعوة ..
ربنا يبارك تعبك يا رينا |
||||
|
|
|
25 - 01 - 2018, 11:21 AM
|
رقم المشاركة : ( 3 ) | ||||
|
† Admin Woman †
|
رد: النهاية بتبقي مؤسفة .. والحكايات بتتكرر ...
اطلبوا بقلب جامد وصارحوا بقلب جامد علي الأقل لو وصلت للفراق يكون بإحترام علشان لما واحد فيكم يفتكر التاني يفتكره بإبتسامة ودعوة ..!!
رووووووووووعة حببتي ربنا يفرح قلبك |
||||
|
|
|
08 - 02 - 2018, 07:48 PM
|
رقم المشاركة : ( 4 ) | ||||
|
..::| الاشراف العام |::..
|
رد: النهاية بتبقي مؤسفة .. والحكايات بتتكرر ...
ميرسى لمروركم الغالى
 |
||||
|
|
 |
|
العرض المتطور