اجران العمر

walaa farouk · رقم المشاركة : ( 1 ) 21 - 01 - 2018, 06:41 PM

املى اجران عمرى زى ما مليت الاجران فى عرس قانا الجليل

جرن الطفوله اللي ماعشتيهاش
جرن الصبي اللي كان ماليان تعب
جرن الشباب اللي مافيهوش غير خيانه من اقرب الناس وماليان بالضعف
جرن الرجوله (الابوه والامومه) اللي ماليان بالمسئوليه وشيل الهم
جرن الشيخوخه اللي ماليان بذكريات تهد الحيل
جرن الاحتياج للحب من اللي حواليك
صلي لاجران عمرك وقولوا يارب املي اجران عمري اللي فقدت فيها الفرح..

املي اجران عمري اللي مادوقتش فيها طعم حلو..

املي اجران عمري اللي نشفت بسبب ان كل اللي حواليا اخده احلي مافيا وسابوني فاضي..

املي اجران عمري اللي نشفت بسبب ضعفاتي وسقطاتي وفتوري..

. املي اجران عمري بالفرحه بتاعتك اللي هاتبقي احلي من الفرحه اللي خلصت ‘وعدت من غير ما احس بيها.. املي اجراني وماتكسفنيش قصاد اللي حواليا اللي جايين يشربوا مني ويفرحوا.

. املي اجراني بسترك المفرح علشان اللي يدوق مني حاجه منك يشكر ويفرح.

. املي اجراني اللي نشفت من قله الفرح اذا كان بسببي او بسبب اللي حواليا.. املي اجران عمري يارب

Mary Naeem · 22 - 01 - 2018, 11:38 AM

يارب املى اجران عمرى بحبك

زى ما مليت الاجران فى عرس قانا الجليل

رووووووووووعة حببتي
ربنا يفرح قلبك

walaa farouk · 22 - 01 - 2018, 09:50 PM

ميرسى على مرورك الغالى اجران العمر